Home EduTek Prezidente KFP: Administrasaun Publika Pilar Importante Iha Prosesu Konstrusaun Estadu

Prezidente KFP: Administrasaun Publika Pilar Importante Iha Prosesu Konstrusaun Estadu

221
0
Prezidente Komisaun Funsaun Publika (KFP), Faustino Cardoso. [Foto: Adalgisa Pereira | 29.09.2020]

Reportazen Adalgisa Pereira

Universidade Nasional Timor-Lorosae (UNTL), Fakuldade Siensia Sosial  liu husi Departamentu Administrasaun Publika hala’o seminarian ho tema Ho Reformasaun Administrativa, Funsaun Publika Sei Serbisu Hodi Serbi Povu Ho Diak Liutan.

Liu hosi seminariu ne’e Prezidente Komisaun Funsaun Publika (KFP), Faustino Cardoso ne’ebe sai orador ba partisipante sira hateten iha administrasaun publika la hanesan ho funsaun publika, administrasaun publika oinsa ita atu jere estadu no funsaun publika ita koalia kona ba ema.

“Ita koalia kona ba ema komponente dinamiku ne’ebe mak fo dinamizasaun ba lala’ok funsionamentu estadu ho dinamizasaun ba iha administrasaun publika, atu oinsa bele alkansa objetivu sira ne’ebe lei inan defini no hatun liu husi aprosimasaun no mekanismu”, dehan Prezidente KFP, Faustino Cardoso iha kampus Kaikoli 29/09.

Nia hatutan administrasaun publika sai responsavel ba iha implementasaun programa governu no pilar importante ida iha prosesu konstrusaun estadu, tan ne’e ohin loron sei esforson an hela oinsa mak lori administrasaun publika nee hakbesik ba iha kraik.

“Ita hotu hatene administrasaun publika ne’e pillar importante ida iha prosesu konstrusaun estadu nia, ita nia konstituisaun nu’udar  lei inan mak determina saida mak tenke hala’o iha ambitu, atu alkansa interese publiku atu oinsa mak administrasaun publika nee bele subtitua ho maneira ida, bele hakbesik ba serbisu sira populasaun ninian, oinsa mak bele asegura ba situsasaun komunidade sira nia interesadu, iha prosesu hanaran gestaun efetiva”, hatutan Faustino Cardoso .

Iha fatin hanesan estudante  Nelia Menezes Soares  orgullu  tamba bele partisipa iha aktividade seminariu ida ne’e, tanba bele hetan oportunidade hodi rona orador sira nia esplikasaunm, tulun tebes hodi hasae konnesementu no kapasidade liu-liu iha area funsaun publika, jestaun, rekursu umanus no reformasaun administrativu.

Orador ba seminariu ne’e mak  Prezidente KFP, Faustino Cardoso no professor  Rozalinu Gomes. Seminairu ne’e hetan partisipasaun masimu hosi estudante UNTL no dosente sira.

LEAVE A REPLY

Please enter your comment!
Please enter your name here