Home Notisia SEI no FOKUPERS Realiza Diskusaun  OJE 2025, ba Planu Asaun Violénsia Bazeia...

SEI no FOKUPERS Realiza Diskusaun  OJE 2025, ba Planu Asaun Violénsia Bazeia ba Jéneru

1144
0
SEI no Fokupers foto hamutuk ho linas ministeriais (foto: Umbe, 31/05/2024)

Reportajen Filomena da Conceição & Umbelina dos Reis

Sekretaria de  Estadu da Igualdade Jéneru (SEI), hamutuk ho FOKUPERS realiza meza redonda hodi hala’o diskusaun ba implementasaun  Orsamentu Jeral do Estadu (OJE),  ba planu asaun Violência bazeia ba jeneru (VBJ) ho tema “reforma servisu integradu VBJ, asegura implementasaun kumprimisiu jeneru liuhusi alokasaun OSJ iha OGE 2025”.

Sekretaria de Estadu da Igualdade, Elvina Souza haktuir, objetivo husi meza redonda entre SEI no linhas ministeriais  no  ministério implementador sira husi planu asaun violência bazeia ba jeneru atu bele foti asuntu importante ba implementasaun orsamentu jeral do estadu ba tinan 2025

“Eventu ida ne’e, objetivo atu halibur linas ministeriais sira nomós sosiedade sivil sira atu bele iha meza redonda ba diskusaun ruma tanba ita hatene katak lakleur tan ita iha ona prosesu draf ba orsamentu jeral do estadu”, dehan Sekretaria de Estadu da Igualidade, Elvina Souza ba jornalista iha Hotel Timor, sesta, 31/05

Nua haktuir, hanesan implementadora ba violência bazeia ba jeneru presiza mos Opinião sira husi linas ministerias  hodi  tuur hamutuk atu halo diskusaun, atu bele halo alokasaun orsamentu natoon ba planu asaun violência bazeia ba jeneru ba tinan 2025.

“Asuntu importante ne’ebé atu koalia iha meza redonda refere mak oinsa atu hasae investimentu ba planu asaun violência bazeia ba jeneru ninian” Nia Esplika

Iha fatin hanesan, Diretora Executiva Fokupers,  Maria Fatima haktuir katak, dadaun iha ona siklu ho orçamento jeral estudu tanba ne’e mak Fokupers hamutuk SEI hodi raliza meza redonda atu bele asugura implemensaun ba kumprimisiu jeneru sira.

“Iha objetivu tolu,  mak dudu ita atu realiza atividade ne’e, liu-liu atividade ida ne’e mak primeiru atu asegura implementasaun ba kumprimisiu jeneru sira,  mak iha planu asaun  nasional direitu bazeia ba jeneru, palnu asaun nasional 13 i 25 no sido Ne’e rasik”, Dehan Diretora Fokupers

Nia Esplika, Dadaun ne’e iha ona siklu ho orçamento jeral estadu ninian no  tama ona iha sikulu planeamento tanba ne’e , atu la tarde mak sira realiza meza redonda diskusaun refere, hamutuk  ho entidades sira  husi linas ministeriais sira ne’ebé sai hanesan autor prinsipal ba implementasaun kumprimisiu jeneru nian, atu bele konsidera sira nia planu importante sira ne’ebé mak deskreve ona iha kumprimisiu hodi bele aloka orsamentu.

Nia haforsa,  mekanismu ba operasaun entre parseru sira, organização implementador sira no mós ministério implementador sira hodi bele responde ba Asuntu violensia bazeia ba jeneru ninian nomós  ba prosesu re-integração ninian kona-ba oinsa  bele hare’e fila-fali ba kestaun empoderamento sobrevivente ninian. Atividade husi meza redonda refere hetan partisipasaun husi parte ministério Saúde, Edukasaun, Ministério Interior, SEFOPE, sociedade Sivil no hetan apoiu orsamentu husi Uniaun Europeia

Print Friendly, PDF & Email

LEAVE A REPLY

Please enter your comment!
Please enter your name here