Home Saude Inan Isin Rua: Ami La’o 7km Ba Postu Saude Lore Enfermeiru La...

Inan Isin Rua: Ami La’o 7km Ba Postu Saude Lore Enfermeiru La iha, Tanba Ekipa Saude Laiha Transporte

2218
0
Inan isin rua Flora da Silva iha Lore, Munisipiu Lautem. [Foto: Juvinal | 03.06.2024]

Reportajen Juvinal Cabral dos Santos

Inan Gravida Flora da Silva hatete, durante fulan rua nia laran iha loron ne’ebé atu tuir imunizasaun to’o iha postu saúde laiha prezensa Parteira sira, foti alternativa tenke telefone enfermeiru iha Lospalos, maibé enfermeiru hatan ho liafuan simples “imi nia Postu Saúde Lore primeiru nian la iha”

“Ami iha ne’e bá postu Saúde la’o 7 kilo metru, ami bá to’o iha postu saúde  ami hein Parteria sira atu konsulta ami la iha, ami telefone fali ba enfermeiru sira iha Lospalos primeiru ne’e sira dehan imi nia Postu Saúde Lore primeiru nian la iha, entaun ami fila-fali, sira halo hanesan ne’e bá dala rua kedas iha bulan 3-4. Postu saúde iha maibé sira dehan karreta mak la iha, depois imi nian Siska la iha tanba karreta la to’o, ne’ebé ami hanesan gravida ami sente Lamentavel,” dehan Flora iha nia Rezidensia aldeia Titilari, Sesta (31/05).

Nia dehan, husi ne’e la’o bá to’o Postu Saúde ne’ebé mós ho distansia dook depois ho kondisaun ida gravida depois to’o iha neeba sira la iha ida ne’e sente hanesan tristeza boot ida ka Ameasa boot ida mós bá ema hirak ne’ebé isin rua.

“Ami mós rekomenda bá parte Ministériu saúde atu rekruta parte rua ka liu ida ne’e atu mai serbisu troka malu iha ne’e, loloos ne’e Parteira ida ema Iliomar nia mai iha ne’e ami rona informasaun katak destaka iha ne’e mak ami bá, bá fali dehan nia fila tiha ona, serbisu seidauk hotu nia fila ona,” nia dehan.

Tuir loloos ne’e sira mai serbisu iha ne’e Segunda to’o Sesta, maibé nia serbisu to’o Kuarta de’it nia ba ona, inan hotu ne’ebé gravida iha ne’e bele la’o dook mós ba, maibé problema mak la’o to’o postu saúde sira la iha.

Nia dehan, Oan ida iha isin ne’e planu atu ba partus iha Lospalos, maibé udan hela de’it hanesan ne’e, dalan mós kondisaun la di’ak ne’ebé sente ho tau, entaun hein de’it, bele mós partus iha uma de’it.

“Planu ne’e atu ba Lospalos, mais komforme, agora udan hela de’it hanesan ne’e, ambulansia mós keta laiha karik, ita aluga karreta mós di’ak keta karreta lakohi ba karik tanba estrada mós hanesan ne’e,” tenik nia.

Iha sorin seluk Xefe Aldeia Titilari Orlando da Costa hatete, estrada husi aldeia postu saúde mós aat, no estrada bá fali Lospalos vila mós aat, ida ne’e sai difikuldade komunidade asesu ba Saúde no mós atu lori produtu bá merkadu.

“Husi Aldeia Titilari bá asesu saúde la’o Kilo Metru 6 to’o 7 hanesan ne’e, ho kondisaun estrada hanesan ne’e sira la’o de’it la ho transporte, entaun ami nia asesu bá saúde no asesu ba merkadu sempre hasoru problema boot maka estrada, ida ne’e mak sai ami nia preokupasaun,” dehan nia iha nia rezidensia Titilari.

Xefe aldeia haktuir kondisaun estrada mak hanesan ne’e, dalaruma  moras ruma ne’ebé sente katak grave ne’e difísil tebes atu asesu lalais ba postu Saúde tanba bu’at hotu atu lalais importante mak estrada.

Dala barak komunidade iha ne’e lori sira nia produtu bá merkadu tenke hein transporte, dala barak udan hanesan ne’e transporte la tama tanba kondisaun estrada mak hanesan ne’e duni. Entaun afeita mós bá sira nia produtu dodok hotu, ida ne’e mak difikuldade hasoru.

“Ami nia kondisaun estrada desde ukun aan to’o agora Governu seidauk tau matan mai ami nia estrada. Depois kondisaun estrada ne’ebé bá aldeia Titilari kondisaun mak hanesan ne’e, horibainhira Kompañia balu mai hadia ona maibé to’o agora seidauk remata sira mai halo hahu 2013, iha kompañia zorro Construction Unip.Lda ho Kompañia Kinha,” nia dehan.

Dalan ne’e uluk pelumenus sei di’ak maibé tanba liga ho Mudansa Klimatika udan mai la tuir nia tempu entaun afeita tebes rai halai hodi estragus estrada sira sai Grave hanesan ne’e.

Enkuantu, hanesan autoridade lokál sente kontente bainhira grupu boot ida ne’e nia prezensa mai iha Lore hodi halo kobertura rekoilla Informasaun sira atu bele hato’o bá governante sira atu toma medidas ruma.

Print Friendly, PDF & Email

LEAVE A REPLY

Please enter your comment!
Please enter your name here