Home Notisia RHTO Husu Governu Atu Ko’alia Sériu Konaba Asesivel Ba EhD Iha Instituisaun...

RHTO Husu Governu Atu Ko’alia Sériu Konaba Asesivel Ba EhD Iha Instituisaun Públiku no Privadu

457
0
Apoiu Programa, Raes Hadomi Timor Oan (RHTO), Ernestina da Costa. [Foto: Joselina | 20.12.2022]

Reportajen Joselina dos Santos

Organizasaun Raes Hadomi Timor Oan (RHTO), husu governu atu sériu koalia kona-ba  asesivel ema ho defisiénsia (EhD)  nian iha  Instituisaun Públiku ka privadu sira, atu ema ho defisiénsia bele asesu ho livre, no labele hetan diskriminasaun, tanba governu ratifika ona konvensaun diretu ba ema ho defisiénsia.

Apoiu Programa, Raes Hadomi Timor Oan (RHTO), Ernestina da Costa hatete,  atividade Open the book ne’e  atu haree kona-ba Orsamentu Jeral Estadu (OJE),  liga ba asuntu ne’ebe sensivel ba ema ho defisiénsia, tanba orsamentu ne’e povu nian, oinsa mak governu aloka osan ba programa sira tenke tau importansia mos ba ema ho difisiensia sira.

“Bele tau importánsia parte husi asesivel ba ema ho defisiénsia, no direitu ba ema ho defisiénsia nian, atu sira mos iha direitu hodi asesu ba Orsamentu Jeral Estadu, tanba asesibilidade ne’e hanesan fasilidade ne’ebe  fó asesivel ba ema ho defisiénsia,  no mos ba ema hotu asesu ho independente no la presiza apoiu ruma, no ema ho defisiénsia la bele hetan diskriminasaun”, dehan, Apoiu Programa, Raes Hadomi Timor Oan (RHTO), Ernestina da Costa ba Neon Metin iha Asosiasaun Hak Farol,  20/12.

Nia haktuir espera katak liu husi treinamentu ida ne’e, media sai hanesan matadalan ba parte organizasaun ema ho defisiénsia nian, atu fahe informasaun ba públiku kona-ba ezijénsia ka preokupasaun ne’ebe durante ne’e ema difisiensia sira hasoru.

“Ita hatene katak dadaun ne’e governu ratifika ona konvensaun diretu ba ema ho defisiénsia, tanba ne’e husu atu labele ratifika deit no hatudu ba mundu katak, governu tenke implementa duni saida mak hakerek iha konvensaun diretu ema nian ne’e, ” tenik nia.

Print Friendly, PDF & Email

LEAVE A REPLY

Please enter your comment!
Please enter your name here