Home Notisia AJTL Husu Protokolu MF Komprende Konaba Liberdade Imprensa, Konstituisaun Artigu 40 ho...

AJTL Husu Protokolu MF Komprende Konaba Liberdade Imprensa, Konstituisaun Artigu 40 ho 41

1177
0
ilustrusaun konaba liberdade imprensa iha risku nia laran. [Foto: Copyright google | 21.10.2022]

Reportajen David da Costa

Relasiona ho hahalok Protokolu husi Ministeriu Finansas (FM) ne’ebé tenta impede jornalista sira iha Palaciu Governu,  atu labele halo entrevista ho Ministra Finansas, Santina Cardoso, bainhira remata enkontru iha Konsellu Ministru iha loron  25 Septembru 2023, Asosiasaun Jornalista Timor Lorosa’e (AJTL) Konsidera Protokolu MF seidauk hatene papel Jornalista.

Iha publikasaun ne’ebé maka ohin  AJTL  Publika iha nia pagina Ofisial Facebook, deklara katak Protokolu husi Ministeriu Finansas sedauk komprende papel jornalista sira nian diak, ne’ebé la fó espasu ba jornalista ka impede jornalista sira atu halo konfirmasaun ka entrevista ho Ministra Finansas kona-ba asuntu publiku nian, liu-liu ho preparasaun ba Orsamentu Jeral Estadu 2024.

Tanba, husi hahalok ne’e nota katak Protokolu sedauk komprende no la hatene Konstituisaun RDTL artigu 40 no 41 ne’ebé ko’alia kona-ba liberdade imprensa no lberdade asesu informasaun.

“AJTL konsidera katak Protokolu iha instituisaun governu tenta limite liberdade imprensa, no la fó espasu ba jornalista atu asesu informasaun. Protokolu la komprende tanba sa tenke husu karta husi instituisaun media Antes halo entrevista? ,”dehan Iha publikasaun AJTL ohin, ne’ebé Neon Metin asesu  iha Pagina Ofisial Facebook  AJTL, kuarta 27/09.

AJTL husu ba instituisaun publiku tomak, atu valoriza serbisu jornalista nian, no respeita liberdade imprensa iha Timor-Leste. Nune’e mós AJTL husu ba Protokolu instituisaun governu sira atu bele lee fila fali Konstituisaun RDTL artigu 40 ho 41 ninia kontiudu konaba liberdade imprensa no asesu informasaun no instituisaun publiku tenke hatene katak tuir relatoriu husi Report without Borders hatudu katak index liberdade imprensa no espresaun  Timor-Leste iha sudeste aziatiku mantein ho ranking 1 no index global sai ba ranking 10.

Tanba ne’e, Asosiasaun Jornalista Timor Lorosa’e (AJTL) husu ba instituisaun publiku sira atu hatene klean kona-ba papel media iha nasaun demokratiku.

Tanba Media nu’udar pillar importante iha nasaun demokratiku. Tanba ne’e, AJTL kontinua halo advokasia hodi pormove liberdade imprensa no espresaun iha Timor-Leste, ida ne’e parte husi prinsipiu Direitu Umanus.

Print Friendly, PDF & Email

LEAVE A REPLY

Please enter your comment!
Please enter your name here