Home Analisa Fundasaun Mahein anunsia Kompetisaun Karikatur Polítiku Timor-Leste ba tinan 2023

Fundasaun Mahein anunsia Kompetisaun Karikatur Polítiku Timor-Leste ba tinan 2023

1353
0
Karikatura doc. Fundasaun Mahein

Artigu husi Fundasaun Mahein

Karikatur polítiku, komik, no karikatura sei hanesan ekspresaun dinámiku no kriativu iha demokrasia ne’ebé avansadu. Sira-ne’e bazeia ba tradisaun klean ida ne’ebé fó importánsia boot ba liberdade atu koalia kona-bá saida de’it. Iha nasaun Asia barak, karikaturista polítiku sira ne’ebé hakerek, kritika, ka satiriza líder polítiku, hetan risku intimidasaun ka até prizaun. Iha loron ikus, Fundasaun Mahein (FM) prodús karikatur polítiku ba Timor-Leste nian, bele hetan iha ne’e  https://www.fundasaunmahein.org/2023/08/29/timor-leste-atu-falla-tebes-ka-lae/. Karikatur ida ne’e hatudu Primeiru Ministru sai lafaek (simboliza Timor) ba ‘fiscal cliff’ (simboliza halakon fundus petróleu). Obra ida ne’e mos hatudu sidadaun Timor-oan sira hakarak dada tali ne’ebé liga ho lafaek nia ikus, ne’ebé simboliza sira nia esforsu kolektivu atu prevene Primeiru Ministru hodi lidera Timor-Leste ba katástrof ekonómiku.

Fundasaun Mahein agora objektivu atu promove talentu karikatur polítiku liuhusi Kompetisaun Karikatur Politiku Timor-Leste ba tinan 2023. Ami konvida artista Timor-oan sira atu kria gambar ka karikatur polítiku, ka komik badak iha estilu ne’ebé Ita hili, hotu-hotu aprezentadu iha surat ida de’it. Gambar ka karikatur ne’ebé submete tenki ser orijinal no tuir ba tema seguransa nasaun, seguransa públika, ka asuntu estranjeiru sira. Ita bele hetan lista kompletu ba temas ne’ebé permitidu iha website https://www.fundasaunmahein.org. Fundasaun Mahein mos rekomenda katak artista-nain explora lai saida mak signifika gambar ka karikatur politiku, tamba ne’e la’os gambar ka imagen de’it, selae tenke lori mensajen kritiku, kultural, ka politiku, no provoka dezafiu ba Ita-nia hanoin baibain.

Kompetisaun ida ne’e loke ba Timor-oan hotu ne’ebé hela iha rai laran. Loron submisaun mak loron 27 fulan Outubru, 2023. Manan-nain sira sei hili husi Konsellu Diretór Fundasaun Mahein, ho anúnsiu sé mak manan-nain iha loron 3 fulan Novembru, 2023.

Prémiu sei tuir mai:

1º Prémiu: $200

2º Prémiu: $100

3º Prémiu: $50

Liu husi ne’e, karikatur manan-nain sira sei hetan oportunidade atu hatudu sira nia karikatur iha artigu Fundasaun Mahein nian. Ami husu ema hotu ne’ebé halo submisaun karikatur, favor tau iha amplop no tau naran iha amplop nia oin no iha amplop laran no lori ba Fundasaun Mahein, Rua da Felicidade, Aldeia Central, Suku Gricenfor. Ami hein Ita nia kontribuisaun kriativu!.

Print Friendly, PDF & Email

LEAVE A REPLY

Please enter your comment!
Please enter your name here