Home Notisia PR Promulga Dekretu Lei Ba Kriasaun Subsidiu Atividade Jurnalistika Durante EE

PR Promulga Dekretu Lei Ba Kriasaun Subsidiu Atividade Jurnalistika Durante EE

170
0
Prezidente da Republika, Dr. Francisco Guterres Lu Olo. [Foto: Copyright Media PR | 27.03.2020]

Reportazen Santina Lucia da Costa

Prezidente Repúblika, Dr. Francisco Guterres Lú Olo promulga ona dekretu-lei ba kriasaun subsídiu ba profisionais ne’ebé dezenvolve atividade jornalístika, durante implementasaun estadu emerjénsia ho kondisaun espozisaun direta ba virus SARS-Cov2.

Liuhusi komunikadu ne’ebe Neon Metin asesu katak profisionais ne’ebé dezenvolve atividade jornalístika, iha papel importante tebes tanba responsabiliza ba preparasaun no diseminasaun informasaun hotu-hotu, relasiona ho prevensaun no kontrolu surtu COVID-19 iha Timor-Leste.

Profisionais ne’ebé dezenvolve atividade jornalístika iha Centro de Convenções de Díli (CCD), no iha lokais ne’ebé dezenvolve asoins prevensaun no kontrolu, nomeadamente iha centru izolamentu, postu sira iha fronteira no estabelesimentu saúde ho kondisaun espozisaun direta ba virus SAR-Cov-2 no risku ba dezenvolvimentu moras COVID-19.

Dekretu-Lei ne’e kria subsídiu ba profisional sira ne’ebé dezenvolve atividade jornalístika, tuir Lei númeru 5/2014, 19 novembru, Lei Komunikasaun Sosiál, hamutuk ho Sala  Situasaun  Sentru Integradu  Jestaun Krize durante implementasaun estadu emerjénsia deklaradu no renovadu husi Dekretu Prezidente Repúblika númeru 29/2020, 27 marsu, 32/2020, 27 abril no 35/2020, 27 maiu, ho kondisaun espozisaun direta ho virus.

Kondisaun sira ba atribuisaun subsídiu, tuir Dekretu-Lei mak profisianal sira ne’ebé dezenvolve atividade jornalistika hamutuk iha sala situasaun  Centru Integradu Jestaun Krize (CIJK) ka tanba governu husu atu halo produsaun notísia durante implementasaun estadu emerjénsia, sei hetan subsídiu finanseiru ba kada loron efetivu serbisu ninian, tuir kondisaun sira ne’ebé temi iha dekretu-lei ne’e.

“Profisionais ne’ebé sei hetan subsídiu ne’e mak sira ne’ebé integra iha Centru Média COVID-19 husi Unidade Informasaun Públika no profisionais ne’ebé la integra iha Centru Média COVID-19.” hateten Prezidente Republika liu hosi komunikadu imprensa, 14/09.

Ministru ba Asuntu Parlamentar no Komunikasaun Sosiál sei atribui subsídiu bazeia ba informasaun husi sala situasaun  CIJK ka husi Diresaun Nasionál ba Diseminasaun Informasaun, liuhusi depaixu hodi aprova lista profisionais ne’ebé dezenvolve atividade jornalístika no priense kondisoins temi iha Derektu-Lei ne’e.

Dekretu-Lei ne’e aprova iha Konsellu Ministru, iha 12 agostu 2020.  Prezidénsia Repúblika simu Dekretu-Lei ne’e, iha 28 Agostu 2020.

LEAVE A REPLY

Please enter your comment!
Please enter your name here