Home Notisia UE Apoiu $707.000 Ba Organizasaun TANE Konsumidor

UE Apoiu $707.000 Ba Organizasaun TANE Konsumidor

151
0
Embaixador Uniaun Europeia (EU) iha Timor-Leste, Andrew Jacobs. [Foto: David da Costa | 14.09.2020]

Reportazen David da Costa

Uniaun Europeia (UE) iha Timor-Leste apoiu finanseiru $707.000 ba TANE Konsumidor, hodi nune’e bele hasai kapasidade rekursu umanu, hodi bele defende direitu konsumidor timoroan sira nian

Embaixador Uniaun Europeia (EU) iha Timor-Leste, Andrew Jacobs dehan apoiu finanseiru ba organizasaun TANE Konsumidor ho objetivo atu defende diretu Komsumidor ne’ebe preve ona iha Lei numeru 8/2016, loron 8 Jullu,  nu’udar diretu fundamental hadia partisipasaun autonomia no atitude kritika komsumidor sira-nian.

Nia dehan TANE Komsumidor liuhusi kolaborasaun ho Associaçlo Portuguesa para a Defesa do Comsumidor (DECO), hetan finansiamentu husi Uniaun Europeia hamutuk €620.000( kuaze $707.000 dollar Amerikanu), atu implementa ba projetu lei defende konsumidor sira-nian durante tinan haat”, Embaixador Uniaun Europeia informa ba jornalista iha kampus Kaikoli UNTL,  14/20.

Embaixador subliña liuhusi finanseiru ida ne’e bele defende diretu Komsumidor,no implementasaun projetu durante tinan haat,  hodi promove Lei Defesa Komsumidor nian ho konsumidor timoroan, garante merkadu nian no organizasaun publika, atu sai konsumidor informadu liu tan no hakbiit.

“Ita hotu hateten katak Konsumidor sira iha ninia direitu ba kualidade sasan ne’ebe konsumu,  hetan informasaun ne’ebe mak lolos no hetan protesaun ba ninia saude,  seguransa no sira nian interese, ekonomia, tanba iha konstituisaun artigu 53 garantia katak ita tenke hatene ita nia direitu, atu uza no bainhira ita la hatene infomasaun mak ita sei la uza”, nia esplika

Nia haforsa tan katak tanba ne’e mak Uniaun Europeia serbisu hamutuk ho organizasaun TANE Komsumidor,  reforsa tan ho autoridade nasional,  lokal, no importansia ba protesaun Komsumidor, ne’ebe iha objetivo boot ida ba dezenvolvimentu sustentavel, atu hametin asosiasaun ho objetivo ba informasaun, edukasaun, formasaun reprezentasaun no mobilizasaun Komsumidor timoroan sira-nian.

LEAVE A REPLY

Please enter your comment!
Please enter your name here