Home Saude 12 Setembru, Ema na’in 5 Mate Ho COVID, Inklui Joven nain 1,...

12 Setembru, Ema na’in 5 Mate Ho COVID, Inklui Joven nain 1, Total Obitu Sa’e Ba 95

1161
0
ekipa vijilansia haloot mate isin. [Foto: copyright Media Indonesia | 14.04.2021]

Reportajen David da Costa Gusmao

Ministeriu Saude (MS) liuhusi Sala Situasaun Centru Integradu Jestaun Krize (SS-CIJK) ohin rejista  tan timorona nain 5 mate tan ho COVID-19, inklui joven nain 1, nune total óbitu sa’e ba 95.

Liuhusi komunikadu imprensa Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo hateten, ohin iha óbitu nain lima (5), matebian nain 5 ne’e na’in 1 feto no mane nain 4, nune’e total óbitu sa’e ba 95.

Nia dehan matebain mane ida ho idade tinan 14, hela iha Lospalos, la vasina iha 10 Setembru 2021, diagnóstikadu ho sindroma insufisiénsia respiratória aguda (SIRA) tanbá Covid-19.  Loron ne’e kedas matebian hala’o tratamentu iha  Vera  Cruz. Matebian sofre mós moras tétanu. Matebian iis-kotu horikalan iha oras 22:10 kalan  

Matebian mane seluk ho idade tinan 63 hela iha Lospalos, seidauk simu vasina, iha 5 Setembru 2021, diagnóstikadu ho sindroma insufisiénsia respiratória aguda (SIRA) tanbá Covid-19.  Loron ne’e kedas matebian hala’o tratamentu iha Lahane.  Matebian iis-kotu horikalan iha oras 22:25.        

Matebian feto ho idade tinan 56, hela iha Suai seidauk simu vasina, Iha 11 Setembru 2021, diagnóstikadu ho sindroma insufisiénsia respiratória aguda (SIRA) tanbá Covid-19,  iha Ospitál Referénsia Suai,  no hahú hala’o tratamentu loron ne’e kedas iha ospitál ida  ne’ebá tuir protokolu tratamentu ba Covid-19. Matebian mós sofre moras diabetes  ho  moras fuan.  Matebian iis-kotu horikalan iha 19:20.

Matebian mane idade tinan 97 hela  iha Baucau, seidauk simu vasina, iha 11 Setembru 2021 diagnóstikadu ho sindroma insufisiénsia respiratória aguda (SIRA) tanbá Covid-19, iha Baucau, no hahú hala’o tratamentu loron ne’e kedas iha fatin izolamentu iha Baucau, tuir protokolu tratamentu ba Covid-19. Matebian  sofre mós moras ipertensaun no matebian iis-kotu horikalan oras 21:12.  

Matebian mane seluk ho idade tinan 41,  hela iha Maliana seidauk simu vasina,  iha 9 Agostu 2021, diagnostikadu ho sindroma  insufisiénsia respiratória  aguda (SIRA), tanbá Covid-19.  Loron  ne’e kedas    matebian hala’o  tratamentu iha Vera Cruz, tuir  protokolu tratamentu ba Covid-19. Matebian iis-kotu ohin iha oras 14:10.    

Matebain nain 5 ne’e ohin familia kolabora ho ekipa  saúde, hodi hala’o funeral tuir protokolu ne’ebéadopta iha Timor-Leste.

Alende ne’e mos Dr. Rui informa iha loron 12 Setembru 2021, izolamentu Vera Cruz, Lahane, HNGV no fatin seluk iha teritóriu laran tomak, halo tratamentu ospitalizadu ba kazu detetadu pozitivu nain 91.       

Grave hamutuk 10 pessoas (nain 3 uza ventilador, nain 2 uza CPAP-Continuous Positive Airway Pressure-, 5 uza oksijéniu),  Moderado hamutuk 55 pessoas, Leve hamutuk 26 pessoas.

Entertantu dadus jerál ba COVID-19  ohin loron 12 Setembru, kazu foun 133, kazu rekuperadu 168, kazu ativu baixa 3, 105 kazu óbitu nain 5, nune’e total óbitu hamutuk 95 no  total kazu konfirmadu kumulativu sura husi Marsu 21 tinan 2020 to’o mai ohin loron 12 Setembru tinan ne’e hamutuk 18, 515.

Print Friendly, PDF & Email

LEAVE A REPLY

Please enter your comment!
Please enter your name here