Home Notisia Instituisaun Media Tenke Hasae Kualidade Rekursu Hodi Promove Media Iha Merkadu...

Instituisaun Media Tenke Hasae Kualidade Rekursu Hodi Promove Media Iha Merkadu Era Dijital

1423
0
Dosete iha UNTL, Dulce dos Santos Martins.[Foto: Paqhar Malay | 22.12.2020]

Reportazen Ricky Samlelo

Asosiasaun Jornalista Timor Lorosa’e (AJTL) selebra loron moris nian ba dala 21 no realiza seminariu nasional ho tema Entre Dezafius no Oportunidade. Liu hosi seminariu ne’e oradora dosente iha Universidade Nasional Timor Lorsa’e (UNTL), Dulce Martins d Silva hateten ne’ebe foka konaba merkadu media iha era digital hateten instituisaun media sira tenki investe barak ba ekipamentus teknolojia no hasae kualidade rekursu umanu media nian, hodi bele promove media ne’e rasik iha merkadu era digitalizasaun.

“Ita tenki kreativu matenek no kreativu iha simplesidade. Simplesidade ker dijer ekipamentus ne’ebe seidauk modernizadu, ita halo ajeitasaun ida ne’e liu husi kreatividade. Instituisaun media sira ne’e presija nafatin merkadu. Servisu ida presija osan, osan ba kustu produsaun no osan ba investmentu eikpamentus, para kompaña sira bele investe mos mai iha instituisaun rasik, entermus de halo publisidade iha media sira,  para ita bele aumenta ita nia sustentavel media ne’e lao, komponente ida mos oinsa mak media tradisional sira bele halo interasaun ho media online i ho nia komplexidade ho media online”, dehan Dulce ih salaun Centro Nasioal Chega! (CNC), 22/12.

Hatan ba pergunta jornalista Neon Metin nian relasiona ho prosesu dezenvolvimentu media ba ohin loron iha Timor, ba Neon Metin dosente Dulce hateten kompara ho media agora ne’e lao diak, tamba ita hare husi ekipamentus digital ne’ebe mak ohin loron ezisti iha mundu.

“Agora dadauk ne’e media lao diak kompara ho tempu uluk, tamba agora existe te ho buat ida live streaming , televizaun online, jornalista sira kaer telefone android no aplikasaun sira ne’ebe mak instala ona iha sira nia telefone, fasil ba sira bele halo servisu liu husi ne’eba.   Timor ohin loron avansadu tebes, tamba reporter sira mos hetan formasaun bar-barak”, dehan  Dulce Martins da Silva

Estudante Komuniasaun Sosial UNTL, Leonia Araujo ne’ebe partisipa mos iha semminariu ne’e hateten husi seminariu ne’e nia mos aprende buat balun husi oradora, ne’ebe sai hanesan materia importante ida kona ba media iha merkadu digital, se jornalista servisu ho kreatividade fasil atu apoiu ba nesesidade media nian.

“Seminariu ohin loron ne’e ami aprende buat lubuk ida importante los, hanesan materia sira ne’e koalia kona ba media iha merkadu, media mos bele hetan osan husi parte hotu, liu-liu iha era globalizasaun nian ba ita nia produtu sira no liu husi ita nia kreatividade sira. Ba Media eletroniku ka media imprime, se jornalista no nain ba instituisaun sira servisu ho kreatividade, fasil para bele hetan lukru hodi apoiu ba nesesidade instituisaun media ida nian”, dehan Leonia

Print Friendly, PDF & Email

LEAVE A REPLY

Please enter your comment!
Please enter your name here