Home Notisia Covid-19, 6 Maiu Kuradu Aumenta 1 Total 21 no Hein Rezultadu Teste...

Covid-19, 6 Maiu Kuradu Aumenta 1 Total 21 no Hein Rezultadu Teste Sae Ba 92

236
0
Portavoz CIJK, Dr. Sergio Lobo. [Foto: Francisco JDA | 12.04.2020]

Reportazen Francisco JDA

Centru Integradu Jestaun Krize (CIJK), relata informasaun ba surtu moras Covid-19 iha Timor-Leste loron 6 Maiu nian, liu hosi konferensia imprensa Portavoz CIJK, Dr. Sergio Lobo informa katak total kumulativu teste hamutuk 738 kompara ho horseik iha 719.

Ba kazu konfirmadu laiha mudansa nafatin nain 24, kazu rekuperadu aumenta 1, total hamutuk 21 kompara ho horseik iha nain 20, no laiha kazu positivu foun iha loron 6 Maiu.

Total ema ne’ebe hein rezultadu hamutuk 93 no horseik iha deit 73. Total ema iha kuarentena hamutuk 173, auto-kuarentena iha muncipio ema nain 46, kuarentena orbigatoriu iha Dili hamutuk 38 no iha Dili hamutuk 89. Profesioanal saude ne’ebe iha kuarentena hamutuk 21. Total ema ne’ebe pasa ona loron 14 iha hamutuk 2059, iha Dili hamutuk 1639 no iha municipiu 420.

Dr. Sergio Lobo informa kontinua nafatin halo tuir regra distansiamentu fiziku minimu metru 1, tuir hakmaktek iha uma no evita halibur malu. Keta rona boatus no notisia hosi fonte ne’ebe lalos. Rona no fiar deit informasaun sira ne’ebe sai hosi konferensia imprensa iha CIJK. Kontinua fase liman beibeik ho sabaun, labele kae ibun, matan no inus, uza maskra bainhira sai hosi uma.

LEAVE A REPLY

Please enter your comment!
Please enter your name here