Home Notisia Plan Husu PR Suporta Kampanha Freedom Online Ba Labarik Feto Sira Seguru...

Plan Husu PR Suporta Kampanha Freedom Online Ba Labarik Feto Sira Seguru Uza SosMed

239
0
Plan International, Aliansa Labarik Feto hasai foto hamutuk ho Prezidente Republika. [Foto: Copyright Media PR | 13.10.2020]

Reportazen Santina Lucia da Costa

Iha loron mundial labarik feto ne’ebe akontese iha semana kotuk liu ba, ne’ebe lansa no kampanna konaba Freedom Online ho objetviu atu halakon asedu no abuze ba labarik feto no feto foinsa’e sira iha Sosial Media (SosMed), ho nune’e Plan International Timor-Leste halo audensia ho Prezidente Republika, Dr. Francisco Guterres Lu Olo, hodi informa fali loron selebrasaun ne’ebe mak halo ona.

Hafoin hasoru malu ho Prezidente Republika, ba jornalista sira Country Director Plan International Timor-Leste hateten Plan International hamutuk ho Aliansa Labarik Feto lori labarik ain neen (6), hodi hasoru Prezidente Republika, parte hosi atividade hodi komemora loron mundial labarik feto ne’ebe mak monu iha loron 11 Outubro.

Nia dehan Plan International hamutuk ho nasaun 22 lansa ona kampanna Freedom Online no kada tinan Plan hamutuk ho parseiru sira selebra loron mundial refere.

“Espesialmente tinan 1 ne’e ami la halo Girls Take Over, hola pozisaun tanba ho Pandemia COVID-19, ne’ebe mak akontese hela entaun ami halo kampanha boot ida mundial iha nasaun 85 kona-ba Freedom Online”, hateten Country Director Diliyana Ximenes ba jornalista sira iha Palasiu Prezidensial, Nicolau Lobato, Aitarak-Laran, 12/10.

Konaba dadus global hosi nasaun 22, la inklui Timor-Leste, Country Director afirma katak Timor-Leste sedauk iha dadus konaba nasional, maibe dadus global 85% labarik feto sente vulneravel liu, bainhira sira asesu media online.

“Bazeia ba ami nia peskiza iha nasaun 22, ami koalia ho labarik feto hamutuk 14.000 no ami hetan katak 58% labarik feto sira sente hetan violensia wainhira sira uza media sosial hanesan Twiter, Tik Tok, Facebook no mos Instagram”, haktuir Diliyana Ximenes.

Plan International husu Prezidente Republika nia komitmentu hodi suporta kampanha ida ne’e, para media sosial ne’ebe mensiona ona, bele kria mekanizmu ida para hasae tan seguransa, seguru ka protesaun ba labarik feto, feto foinsa’e sira wainhira sira uza media online. Ezemplu labele iha ID Falsu no mos buat hira ne’ebe mak la valoriza ezistensia labarik feto no feto foinsa’e sira.

Ba kestaun refere Prezidente Republika hatan ba enkontru ho Plan Internatonal katak Prezidente Republika sempre suporta atividade konaba protesaun ka seguru labarik hotu-hotu, espesialmente labarik feto-mane sira iha diversidade.

Nu’udar Prezidente Republika kontinua hala’o papel, hodi nafatin koalia ba ema hotu-hotu, parte relevante ne’ebe mak iha poder hotu, hodi bele kria tan espasu ne’ebe mak seguru liu tan ba labarik sira no labarik feto sira no diversidade.

Print Friendly, PDF & Email

LEAVE A REPLY

Please enter your comment!
Please enter your name here