Home Notisia Marí: Sedauk Bele Dehan Governu de Jestaun, Tanba Sedauk Iha Eleisaun Foun

Marí: Sedauk Bele Dehan Governu de Jestaun, Tanba Sedauk Iha Eleisaun Foun

388
0
Sekretariu Jeral partidu Fretilin, Dr. Marí Alkatiri iha palacio prezidensia. [Foto: Zevonia Vieira | 25.01.2020]

Reportazen Zevonia Vieira

Sedauk bele dehan governu de jestaun, atu sai governu de jestaun iha kondisaun rua deit, ida mak governu ne’e hetan ona demisaun, ida seluk mak eleisaun foun akontese no hein to’o iha governu foun”. Marí Alkatiri

Orsamentu Jeral Estadu 2020 [OJE] ne’ebe sumba iha Parlamentu Nasional, bainhira VIII Governu Konstituisional, ne’ebe lidera hosi Primeiru Ministru, Taur Matan Ruak aprezenta. Situasaun ne’e akontese bainhira bankada CNRT parte hosi Aliansi Maioria Parlamentar [AMP], vota la afavor ba OJE 2020.

Ho situasaun ida ne’e, VIII Governu tenke uza osan duodesimu, hodi nune makina governu kontinu lao.

Bainhira Neon Metin husu ba eiz Primeiru Ministru, Dr. Marí Alkatiri nia hanoin, konaba situasaun ida ne’e, bele dehan governu de jestaun akontese? Hatan ba Neon Metin, Marí Alkatiri esplika katak, seidauk akontese governu de jestaun iha Timor-Leste, tanba sedauk iha demisaun.

“Sedauk bele dehan governu de jestaun, atu sai governu de jestaun iha kondisaun rua deit, ida mak governu ne’e hetan ona demisaun, ida seluk mak eleisaun foun akontese no hein to’o iha governu foun. Se kazu agora laiha eleisaun, ita bele dehan iha intendimentu foun ida, to’o forma governu foun no governu foun toma posse ne’e mak bolu govern de jestaun no sedauk iha dimisaun Primeiru Ministru”, esplika Marí Alkatiri.

Iha deklarasaun ba jornalista sira iha Palacio Prezidensia mos, Dr. Marí Alkatiri hateten aseita Taur Matan Ruak nafatin hanesan Primeiru Ministru, bainhira sedauk iha desizaun final hosi Prezidente da Republika, depois de halo dialogu ho partidu politiku sira, religious, sosiadade sivil no seluktan.

Iha semana hirak liu ba, bainhira Prezidente da Republika, Dr. Francisco Guterres Lú Olo, partisipa iha inseramentu Kongresu CNJTL iha CCD, ba jornalista sira Lú Olo hateten Taur Matan Ruak sei nafatin hanesan Primeiru Ministru.

 

LEAVE A REPLY

Please enter your comment!
Please enter your name here