Home EduTek 4 mill Ema Ho Difisiensia Asesu Edukasaun, MEJD: Presiza Kapasita Profesores

4 mill Ema Ho Difisiensia Asesu Edukasaun, MEJD: Presiza Kapasita Profesores

252
0
Diretora Jeral, Politika Planementu Inkluzaun ,Odilia dos Dores. [Foto: Francisco JDA |22.09.2020]

Reportazen Francisco JDA

“Profesores barak seidauk iha konnesimentu klean atu bele atende estudante sira ho nesesidade espesial, tanba ne’e presiza mos formasaun espesial atu bele tulun estudante sira”, Diretora Odilia

Politika Ministeriu Edukasaun nian ne’ebe hakarak halo balansu, la separa no halo diskriminasaun entre estudante difisiensia no la difisiensia atu katak, estudante ho difisiensia bele halao sira nia estudu iha eskola publiku ka privadu ho estudante sira seluk.

Liu hosi workshop ne’ebe organza hosi Ministeriu Edukasaun Juventude no Desportu (MEJD), konaba hadia kualidade edukasaun liu hosi hadia kualidade dadus edukasaun nian, ho nune’e bele halibur hanoin kritiku ruma ka komentariu no rekomendasuan sira, hosi parseiro no pontu vokal hosi municipiu sira kona ba sistema baze de dadus,  nune’e MEJD bele hadia no bele fornese dadus ne’ebe mak los no rigor ba komunidade.

Diretora Jeral, Politika Planementu Inkluzaun ,Odilia dos Dores ba jornalista sira hateten, Education Management Information System (EMIS) nudar sistema baze de dadus ida, oinsa bele fornese sistema edukasaun ne’ebe diak no kualidade para ema hotu bele asesu iha ministeriu edukasaun  rasik.

“Ita hanoin katak sistema ne’e lao tiha ona iha tinan 2012, maibe nia dadus ikus liu ne’e iha sistema MEJD, uza data 2018 no 2019 nian.  Ita presija hadia sistema baze de dadus ida kualidade diak liu tan, tuir estandar ne’ebe diak atu nune’e tulun ema hotu, kona ba servisu edukasaun nian bele asesu”, hatete Diretora Jeral Politika Planeamentu Inkluzaun, Odilia dos Dores iha Hotel Novo Turismo Bidau, 22/09.

Bainhira jornalista Neon Metin husu kona ba oinsa ho dadus ema ho difisensia ne’ebe partisipa iha prosesu aprendizajen sira iha eskola publiku? Ba Neon Metin Diretora Odilia hatan oras ne’e dadauk ho nesesidade espesial iha teritorio tomak, iha 4 mill sira asesu ba edukasaun, Ministeriu iha ona matadalan, atu hare ba infrastrutura, oinsa nesesidade espesial ne’e asesu bele to’o iha eskola.

Diretora ne’e dehan kona ba profesores sira ne’ebe atu hanorin ba estudante sira ne’ebe ho difisensia, ekipa presiza tur hamutuk atu hare fila fali modul ida, oinsa mak bele kapasita profesores sira.

“Profesores barak seidauk iha konnesimentu klean atu bele atende estudante sira ho nesesidade espesial, tanba ne’e presiza mos formasaun espesial atu bele tulun estudante sira”, hateten Diretora Odilia

LEAVE A REPLY

Please enter your comment!
Please enter your name here