Home Notisia Lei Traballu No.4/2012, Angelo: Karik Traballador Hetan Ameasa Bele Hatoo Keixa

Lei Traballu No.4/2012, Angelo: Karik Traballador Hetan Ameasa Bele Hatoo Keixa

1375
0
Diretor Nasional Relasaun Traballu (DNRT), Angelo dos Santos Valoso. [Foto: David da Costa | 17.09.2020]

Reportazen David da Costa Gusmao

“Karik traballador hetan ameasa ka hasai sira sein problema husi  kompania,  sira bele mai keisa iha ami, hodi ita bele buka solusaun hamutuk, tanba iha traballador nia direitu ne’e hakerek ona iha lei traballu”. DNRT

Sekretario Estadu Formasaun Profisional e Empregu (SEFOPE), liu husi nia diresaun Nasional Relasaun Traballu disimina informaaaun konaba lei traballu numero 4/2012 ba empregadores no traballadores, tanba iha trabailador sira balun seidauk komprende konaba lei traballu no sira nia direitu no dever iha fatin servisu.

Diretor Nasional Relasaun Traballu (DNRT), Angelo dos Santos Valoso hateten bainhira trabalador ho empregador sira komprende ona lei traballu sira ne’e, sira nia relasaun servisu ne’e bele lao diak iha sira nia servisu fatin.

“Ita iha lei numeru 4/2012 ne’ebe vigor iha tinan 2012 mak sei regula trabalador no empregador sira, lei ne’e mak sai lei inan ba servisu nain no mos ba  sektor privadu sira, lei ida ne’e mak ami uza durante ne’e, hodi sosializa ba trabalador no empregador sira”, dehan Diretor Nasional Relasaun Traballu (DNRT) iha salaun SEFOPE Kaicoli, kinta-Feira 17/20.

Nia deha durante ne’e trabalhador no empregador sira iha 75% mak komprende ona lei traballu ne’e, maibe iha balun seidauk komprende,  tanba iha  kompania privadu boot balun foin loke foun no traballador sira  servisu nmos foun, entaun sira labele hatene konaba sira nia dever no direitu.

“Karik traballador hetan ameasa ka hasai sira sein problema husi  kompania,  sira bele mai keisa iha ami, hodi ita bele buka solusaun hamutuk, tanba iha traballador nia direitu ne’e hakerek ona iha lei traballu”, tenik Angelo.

Iha fatin hanesan Xefe Gabinete Projektor kompania  PIX ou  PAZ Dame ba Ema hotu, Maria de Carvalho Soares hateten seminar ne’e importante tebes ba empresa sira, atu nune’e bele komprende konaba lei traballu numeru 4/2012, hodi implementa ba trabalador sira  iha fatin servisu.

Iha seminario ne’e hetan partisipasaun husi kompania hamutuk nain 50 no trabalador sira no sai orador ba seminario mak Xefe Deparatamento de Negosio Sosial (DNS),  Fransisco Tilman, koalia konaba lei traballu numero 4/2012 no reprezentante Deritor Ezekutivu Institutu Nasional Seguransa Sosial (INSS), Aida M.S Mota ne’ebe foka konaba benefisiu rejime kontribuitivu seguransa sosial bazeia ba lei numeru 12/2016.

LEAVE A REPLY

Please enter your comment!
Please enter your name here