Home Notisia Proklamasaun Independensia 45, Salvador: Labele Haluha Mehi Heroi Sira nian

Proklamasaun Independensia 45, Salvador: Labele Haluha Mehi Heroi Sira nian

499
0

Reportazen Francisco JDA

Loron 28 Novembru loron istoriku ba povu maubere, hodi komemora loron proklamasaun independensia unilateral ne’ebe mak proklama hosi premeiru Prezidente Timor-Leste, saudozu D.r Francisco Xavier do Amaral.

Liu ambitu selebrasaun ba dala 45 iha municipiu Liquisa, jornalista Neon Metin dadalia ho veteran Salvador Serano dos Santos “LBK”, nia dehan loron ida ne’e importante ba povu tomak, laos veteranu deit katak tinan 45 ne’ebe akontese laos hanesan agora, maibé tinan 45 ba kotuk lori sofrementu tortura, agora povu bele senti katak ida ne’e mak ukun an, sakrifisiu povu halo hamutuk ho Falintil no estrutura rezisténsia hotu bele hetan rezultadu.

“Labele haluha mehi ne’ebe heroi sira husik hela mai ita, sira nia mate mak ita nia moris no terus mak ita nia orgulho. Ne’e duni durante prosesu ba dezenvolvimentu ida ne’e, papél juventude nian atu hatutan sira nia mehi futuru ba dezenvolvimentu nasional halakon violénsia, odiu malu no vingansa, hare malu diak, paz ho dame hanesan uluk ita nia eroi sira luta ba ukun rasik an” hatete Veteranu Salvador Seranu dos Santos “LBK” iha Komemorasaun loron Proklamasaun independénsia ba dala 45 iha Lauhata-Liquisa, 28/11.

Veteranu ne’e dehan maluk barak los iha military, maibé to’o agora sira seidauk hetan pensaun ne’ebe labele konta ho liman, estrutura klandestina depois de independénsia, estrutura maxima Liquisa, sekretáriu sub reijiaun mate no vise sub visaun mate tan, sekretáriu ne’ebe  mak mate ne’e substitui mak Coronel Estadu Maiór Koliati.

“Ami iha preokupasaun boot ida tanba maluk lubuk la hetan to’o mate deit, mas ami iha esperansa ho Konselho ne’ebe hamriik bele hadia dadus sira ne’e hotu atu foti direitu ba ema ne’ebe iha direitu, ema ne’ebe la iha direitu halo kanselamentu ba nia”, dehan Veteranu Salvador Seranu dos Santos

Print Friendly, PDF & Email

LEAVE A REPLY

Please enter your comment!
Please enter your name here