Home Saude 24 Setembru, MS Rejista Ema Mate Ho COVID nain 2, Matebian 1...

24 Setembru, MS Rejista Ema Mate Ho COVID nain 2, Matebian 1 Vasina Kompletu

149
0
ekipa saude lori sai mate isin hosi Lahane atu ba Metinaru. [Foto: David da Costa | 06.04.2021]

Reportajen David da Costa Gusmao

Ministeriu Saude ohin loron 24 Setembru rejista tan kazu ema mate ho COVID-19 nain rua, matebian nain ida simu ona vasina AstraZeneca Kompletu, nune’e total obitu sa’e ba iha 111.

Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Dr.Rui Maria de Araújo esplika liuhusi komunikadu imprensa ne’ebe Neon Metin asesu informa katak  total óbitu ne’ebe relata ohin 24 Setembru tinan ne’e na’in 2, matebian ne’e mane hotu, ida husi Lautem no seluk husi Manatutu.

“Matebian mane idade tinan 62, hela iha Lautem, vasina kompletu AstraZeneca iha 18 Setembru 2021, diagnóstikadu sindroma  insufisiénsia respiratória aguda (SIRA) tanbá Covid-19. Iha loron ne’e kedas hala’o tratamentu iha Lahane. Horisehik lorokraik 16:45 matebian  iis-kotu,” Dr Rui Esplika.

Matebian ida seluk ne’e mane idade tinan 83, hela iha Manatutu, seidauk vasina iha 24 Setembru 2021, diagnóstikadu sindroma insufisiénsia respiratória aguda (SIRA) tanbá Covid-19. Ohin dader 11:10 matebian iis-kotu iha Manatutu.         

Dr. Rui informa tan  ohin iha izolamentu Vera Cruz Lahane, HNGV no fatin seluk iha territóriu laran tomak, halo tratamentu ospitalizadu ba kazu detetadu pozitivu nain 52.

Nia espliak  husi  kazu detetadu pozitivu nain 52  ema nain 8 grave, (nain 2 uza ventilador, 6 uza oksijeniu), kazu moderado hamutuk 28 no no kazu Leve hamutuk 16.

Entretantu dadus jerál ohin loron nian, kazu foun Covid-19 hamutuk 44, kazu rekuperadu hamutuk nain 117, kazu ativu ohin hamutuk 1,108,  kazu obitu sae ba 111 no total kazu konfirmadu kumulativu sura husi 21 Marsu 2020 to’o ohin loron hamutuk nain 19,308.

Print Friendly, PDF & Email

LEAVE A REPLY

Please enter your comment!
Please enter your name here