Home Notisia Kada Tinan MAP Sosa Fini 140 Tonelada Hodi Fahe Ba Sidadaun Vulneravel...

Kada Tinan MAP Sosa Fini 140 Tonelada Hodi Fahe Ba Sidadaun Vulneravel Sira

150
0
Ministru Agrikultura no Peska (MAP), Pedro dos Reis. [Foto: David | 24.09.2021]

Reportajen David da Costa Gusmao

Governu liu husi Ministru Agrikultura no Peskas (MAP) kada tinan sempre sosa fini 140 toneladas, hodi fahe ba sidadaun sira ne’ebé vulneravel.

Ministru Agrikultura no Peska (MAP), Pedro dos Reis hateten Ministériu sempre apoiu fini tinan-tinan maibé la’ós ba ema hotu, maibé MAP sempre sosa fini 140 tonelada hodi fahe ba sidadaun sira ne’ebé vulneravel.

Ami sempre apoiu fini tinan-tinan maibé la’ós ba ema hotu, ho limitasaun orsamentu ba ema vulneravel, kbiit laek sira”, dehan Ministru Pedro ba jornalista sira iha Ministeriu Finansas Ai-tarak laran Dili, Sesta 24/09.

Iha fatin hanesan Diretora Jeral Ministériu Agrikultura no Peska (MAP), Maria do Ceo Guterres hateten politika Ministeriu Agrikultura  atu fahe de’it ba ema ne’ebé vulneravel, ema ne’ebé la iha kbiit atu sosa fini no mós iha demonstrasia area ne’ebé mak Ministériu hala’o kada knaar ba irrigasaun 9 iha Timor-Leste.

Ministériu Agrikultura halo  tanba hakarak asegura ita-nia fini lokál, ita bele dezenvolve  iha Timor-Leste nune’e osan ne’ebé ita gasta ba fini hanesan uluk karik, ita importa fini husi rai li’ur, tinan  besik 10 ona maka ita-nia fini ne’e, ita prodúz rasik iha Timor-Leste”, esplika nia.

Nia dehan tanba governu iha limitasaun ba orsamentu no iha prioridade buat seluk, tinan-tinan Ministériu Agrikultura iha de’it kapasidade atu sosa 140 tonelada tantu ba hare no batar tanba ida ne’e atu bele fó de’it ba 5.620 hectares.

Enkuantu ita-nia toos, ita-nia natar ba tinan 2021 ita atinje tia ona to’o 32 mill 500 hectares iha area kultivu nian”, nia esplika.

Print Friendly, PDF & Email

LEAVE A REPLY

Please enter your comment!
Please enter your name here