Home Notisia FONGTIL: Solusaun Labele Tama Sai Ilegál, Tenke Iha Fasilidade ba Seguransa no...

FONGTIL: Solusaun Labele Tama Sai Ilegál, Tenke Iha Fasilidade ba Seguransa no Hadia Lei sira

434
0
Diretór FONGTIL, Daniel Santos do Carmo. [Foto: Joselina | 24.09.2021]

Reportajen Joselina dos Santos

Forum Organizasaun Naun-Governamentál Timor-Leste (FONGTIL) realiza diálogu kona-ba re-konfigurasaun ba Falintil-Forsa Defeza Timor-Leste (F-FDTL) ho Polisia Nasional Timor-Leste (PNTL), liu-liu ba Unidade Polisia Fronteira (UPF), hodi hetan solusaun atu rezolve problema pasajen ilegál iha Fronteira Terrestre. 

Hafoin diálogu Diretór FONGTIL, Daniel Santos do Carmo hateten diálogu ohin ko’alia kona-ba re-konfigurasaun Forsa iha F-FDTL ho PNTL liu-liu UPF iha diskursu mai. Nune’e diskursu sira ne’e iha, tanba baze ba pasajen ilegál ne’ebé sidadaun sira halo no mos preokupasaun kona-ba deportasaun ne’ebé Indonézia sira halo ba sidadaun Timor-Leste hodi haruka fila.

“Hanesan Sosiedade Sivil hakarak promove diálogu ne’e ho intensaun  atu halibur ideia no dokumentasaun sira,  no halibur ita nia opiniaun hanesan sidadaun di’ak, atu kontribui ativamente tuir saida mak ita nia konstituisaun garante laiha rezolusaun problema nasional,” dehan Diretór Ezekutivu Fongtil Daniel Santos do Carmo hafoin diálogu, iha Salaun CNE Kaikoli, 24/09.

Daniel hatutan diálogu ida ne’e sei prodúz “Para Ser Uma” atu ajuda Ministru relevante karik sira hola desizaun ka buat ruma ne’ebé  liga ho asuntu fronteira, konsidera mos Sosiedade Sivil sira ninia rekomendasaun hodi kontribui ba politika oinsá garante nafatin relasaun diak paiz viziñu sira liu-liu Indonézia.

FONGTIL rekomenda katak labele haree de’it ba pasajen ilegál, halo ita muda polítika no halo ita ansi halo re-konfigurasaun ba forsa sira, tanba pasajen ilegál sira ne’e halo husi sidadaun Timor, tenke haree fronteira husi  parte hotu, tanba fronteira ne’e asuntu luan laos haree ba kloot tan de’it pasajen ilegál dudu ita halo politika, ne’e duni rekomendasaun prinsipál mak oinsá atu tetu aspetu ekonomia, kulturál entre populasaun sira ne’ebé hela iha fronteira no mos implikasaun politika re-konfigurasaun relasaun entre internasionál ho di’ak.

Nia dehan solusaun tama sai ilegál, mak tenke melhora fasilidade ba seguransa sira no hadi’a lei sira. Formasaun espesiál ba entidade F-FDTL no PNTL sira, hodi bele ajuda sira atu rezolve pasajen ilegál sira no mos bele halo sensibilizasaun ba  populasaun sira ne’ebé hela iha fronteira.

Print Friendly, PDF & Email

LEAVE A REPLY

Please enter your comment!
Please enter your name here