Home Notisia SEJD Halo Levantamentu Hodi Promove no Dezenvolve Desportu Tradisional

SEJD Halo Levantamentu Hodi Promove no Dezenvolve Desportu Tradisional

721
0
grupu hean ro hosi Atauro to'o Liquisa. [Foto: Henrique S. De Jesus | 28.11.2020]

Reportazen Henrique S. De Jesus

Liu husi Komemorasaun Loron proklamasaun Independensia Timor-Leste nian ba dala 45, ne’ebe realiza iha Munisipiu Liquisa, organiza desportu tradisional hodi festeza loron istoriku ne’ebe organiza hosi Sekretariu Estad Juventude no Desportu (SEJD).

Jornalista Neon Metin halo entrevista ho Diretor Jeral dos Serviços Coorporativas, Sekretariu estadu Juventude no Desportu, João dos Santos hateten ohin halo ona exibisaun ba desportu tradiosional no tuir planu Sekretariu Estadu Juventude no Desportu sei promove  no dezenvolve diak liu tan desportu tradisional sira.

‘Husi Sekretariu Estadu Juventude no Desportu ou VIII governu kontinuasaun ida ne’e sua exelênsia oreinta atu promove ita nia uzu kustume tradisionais, liu-liu desportu tradisional ne’ebe mak Timor- Leste iha, tamba ida ne’e maka ohin halo exibisaun desportu tradisional ba ita nia komemorasaun Tinan 45 loron proklamasaun 28 de Novembru. Depois ita mos promove ita nia maluk sira husi Atauru, sira hean deit ró tradisional sira ne’ebe mak sira nia beiala sira uza, sem motor ne’e mak sira hean husi Atauro to’o mai ne’e no finansiamentu ba atividade sira ne’e hotu husi Sekretariu Estadu Juventude no Desportu,  Dehan Diretor Joao, 28/11.

Nia dehan ba oin SEJD hakarak promove uzu kustume tradisionais sira ne’ebe maka kada postu ka kada iha munisipiu hahu dezenvolve. SEJD sei halo levantamente ida ba uza kustume sira ne’ebe maka karik ita nia beiala sira uza, maibe komesa lakon ona tamba ne’e mak ita hakarak halo levantamentu hodi promove no dezenvolve desportu tradisional sira no tau ona iha palnu hodi dezenvolve.

Nune’e mos pratikante hean ró, Siamanus de Jesus Ximenes da Costa hatoo sentimentu orgullu no apresia ba ortunidade bele partisipa no hean ró  husi Atauro tama to’o Liquisa, mezmu ho distansia ne’ebe do’ok ho durasaun oras ne’en no nia husu atu governu liu husi Sekretariu Estadu Juventude no Desportu tau prioridade ba atividade refere.

“Hau sente orgullu bele hetan oportunidade hoodi partisipa iha eventu ida ne’e, mezmu do’ok ho nia durasaun ba viagem oras 6, ami sai husi Atauro ne’e ba tuku 12 kalan no ami tama iha ne’e tuku 6 dader, maibe ami bele partisipa, ami mai hamutuk ró lima (5) no hili ida mak lori bandeiira no ami mos hamulak tuir lisan Atauro nian. ami husu ba parte kompetente diresaun desportu ninian atu tau prioridade hodi dezenvolve atividade Desportu tradisional ida ne’e no bele kria mos kompetisaun ba atividade hean ró taru hanesan ró sira ami lori husi atauro mai ne’e”, Dehan Simianus

Entertantu, Vise Ministru Administrasaun Estatal no nudar Vice Prezidente Komisaun Organizador ba komemorasaun tinan 45 proklamasaun independesia, Lino de Jesus Torrezão esklarese komisaun organizador servisu hamutuk ho SEJD kria atividade desportu lubuk ida, hodi komemora loron proklamasaun independensia

“Ami kria atividade desportu lubuk ida hahu abertura iha dia 18 Novembru atividade sira mak hanesan Futebol, Voleibol, Ciklizmu ho kategoria rua Mountain bike no BMX,Tutur sanan rai,Hana Kalik, Dada Tali, Sae bua, Halai Karon,Hean ró  no ikus mak Freestyle.  Ami iha hakarak kria atividade Desportu hirak ne’e hodi prense atividade komemorasaun tinan 45 loron proklamasaun, orsamentu total ba atividade  komemorasaun mak $300 mil dolar, maibe fahe ba parte area lubuk ida no ba iha area atividade desportu ninian ladun gasta makaas total mais ou menus $10 mil dolar”, dehan Lino De Jesus Torrezão

Print Friendly, PDF & Email

LEAVE A REPLY

Please enter your comment!
Please enter your name here