Home Notisia SEFOPE Sei Fo Teste Ba Traballador Sazonal Total 13,174 Ne’ebe Sei Serbisu...

SEFOPE Sei Fo Teste Ba Traballador Sazonal Total 13,174 Ne’ebe Sei Serbisu Iha Australia

1805
0
SEFOPE ho PNTL iha enkontru konaba preparsasaun halo teste ba traballador sazonal sira. [Foto: David da Costa | 17.09.2020]

Reportazen David da Costa Gusmao

Sekretario Esradu Formasaun Profisional e Empregu (SEFOPE) liu husi Polisia Nasional Timor-Leste (PNTL), iha loron 2 Septembru – 9 Outubro 2020 sei fo teste ba kandidatu traballador sazonal husi Municipiu Dili hamutuk nain 13,174 atu ba servisu iha Australia liuhusi programa Seasonal Workers Program (SWP).

Sekretario Estadu Formasaun Profisional e Empregu (SEFOPE), Alarico do Rosario hateten traballador sazonal husi muncipiu Dili hamutuk 13,174 sei tuir teste ba servisu iha Australia, kandidatu  feto nain 5,068 no kandidatu mane nain 8,106.

Nia informa durante loron 15, kandidatu ba traballador sazonal sira sei tuir teste fiziku no sira ne’ebe passa sei hakat liu ba passu tuir mak selesaun English

Funsionariu husi SEFOPE, Polisia Nasional Timor-Leste (PNTL), Ministeru saude (MS) no Cruz Vermella Timor-Leste (CVTL) maka sei fo teste fiziku ba kandidatu sira.

Sekretario Estadu Alarico hateten SEFOPE  nia responsabilidade maka atu halao selesaun ba kandidatu timoroan ho kualidade diak, ba sistema ka  bazeadus no prepara kandidatu sira enkuantu buka oportunidade  traballu ba traballador sazonal sira iha Australia.

“Bainhira imi iha ona Sistema nia laran,  sei imi atu ba Austarila ka lae, ne’e sei depende ba empregador Australia nian,  Ami tenke asegura deit katak kandidatu ne’ebe ami eskolla preparadu duni atu ba serbisu iha Australaia”, tenik Alarico.

Nia subliña selesaun kandidatu husi Municipiu Dili maka sei taka prosesu selesaun ba muncipiu 12 inklui Rejiaun Oe-cusse. SEFOPE hahu selesaun kandidatu Sazonal sira husi muncipiu hotu iha tinan kotuk liuba  ho objetivo atu kria oportunidade hanesan ba ema hotu no hetan reprezentasaun husi muncipiu ida-idak.

Nia esplika iha SEFOPE  nia sistema ka bazeadus iha tiha ona kandidatu ba traballador sazonal sira nain 11,056, husi municipiu 11 inklui Rejiaun Autonomo Espesial Oecusse Ambeno (RAEOA), kandidatu feto nain 2,783 no mane  nain 8,273 no sei hein deit teste husi kandidatu husi muncipiu dili nian para atu aumenta ba traballador sazonal.

Print Friendly, PDF & Email

LEAVE A REPLY

Please enter your comment!
Please enter your name here