Home Notisia Lere Husu Apoiantes Vota Ho Konxiensia Iha Eleisaun Ronde Daruak

Lere Husu Apoiantes Vota Ho Konxiensia Iha Eleisaun Ronde Daruak

252
0
Lere Anan Timur halo konferensia imprensa. [Foto: Colo | 30.03.2022]

Reportajen Francisco Colo

Reformadu Lere Anan Timur hateten iha eleisaun segundu ronde, husu ba nia apoiantes atu livre hodi vota tuir konsiensia rasik, ba kandidatu Prezidente Republika entre Francisco Guterres ‘Lú Olo’ no José Ramos Horta ba eleisaun presidensial ne’ebé sei realiza iha loron 19  Abril.

Liuhusi konferensia imprensa iha nia rezidensia, ba jornalista sira Lere Anan Timur hateten, sei fo Liberdade ba nia apoiante sira hodi hili tuir konxiensia. Lere dehan apoiante ninian laos mai husi deit partidu FRETILIN deit, maibe mos husi partidu sira seluk, organizasaun de masa, rituais, artemarsiais sira hotu apoiu.

Ohin loron ha’u fiar se mak FRETILIN fila ba FRETILIN, se mk PLP fila ba nia partidu, se mk KHUNTO fila ba nia partidu, ida-idak ba nia organizasaun ho konxiensia mak sei rekomenda ba ema ida-idak atu hili ba se“, dehan Lere liuhosi konferénsia Imprensa iha sede nasional Pantai Kelapa, tersa (29/03).

Lere mos hato’o agradesementu ba ekipa sira husi nivél nasionál, munisípais, postu administrativu, suku no aldea ne’ebé apoiu ona nia kandidatu ba Presidente Republika iha primeira ronde.

Ha’u hakarak agradese ba ha’u-nia ekipa susesu, anivel nasional, munisípais, postu administrativu, suku no aldea, agradese mós média, ha’u-nia protokolu, ha’u-nia Brigada, fiskais, doadores, apoiantes ba ha’u-nia kandidatu“, tenik lere

Maske nia sai oan kiak ba nia partidu rasik hanesan FRETILIN, iha tempu difisil no jornada nia politika, maibé nia la hewai nafatin ho nia militantes hamutuk.

Ha’u-nia kamarada sira, ha’u-nia kompañeru , ha’u-nia maluk sira ne’ebé ke mai hotu, iha tempu ne’ebé difisil tebes, iha ha’u-nia jornada polítika, biar ha’u sai oankiak ba partidu barak, biar ha’u sai oankiak ba ha’u-nia partidu rasik FRETILIN, maibé imi  la hewai ha’u, imi la husik ha’u, biar ha’u komesa tarde, biar ha’u osan la iha maibé imi nafatin hamutuk ho ha’u“, realsa Lere.

Entretanto Lere mós hato’o nia agradesementu espesial ba veteranu sira no jerasaun rezisténsia ou jerasaun patriota sira, aileba sira, organizasaun massa, arte marsiais no especial mos ba militante Fretilin nian.

Ha’u-nia agradesementu espesial ba maluk veteranus tomak, oan kiak,  jerasaun rezisténsia tomak ou jerasaun patriota, feto faluk sira, ai-leba no ain tanan sira, organizasaun rezisténsia sira, organizasaun de masa sira, organizasaun rituais no organizasaun arte marsiais sira, militantes partidu barak nian liliu espesial ba militante partidu Fretilin ne’ebé konsidera nafatin ha’u hanesan sira-nia lideransa ida, aman ida ne’ebé fiar iha Ha’u-nia plataforma polítika no intensaun di’ak, atu lori valores libertasaun FRETILIN nian ba povu doben ida ne’e“.informa Lere.

Print Friendly, PDF & Email

LEAVE A REPLY

Please enter your comment!
Please enter your name here