Home Notisia Xefe Estadu Sei Haruka Pedidu ba PN Hodi Extende EE Ba Dala-16

Xefe Estadu Sei Haruka Pedidu ba PN Hodi Extende EE Ba Dala-16

1295
0
Xefe Casa Sivíl, Francisco Maria de Vasconcelos. [Foto: Santina | 26.07.2021]

Reportajen Santina Lucia dos Santos

Prezidente Repúblika, Dr. Francisco Guterres Lu-Olo halo enkontru ho Membru Konsellu Superior Defeza no Seguransa (KSDS) ho Konsellu Estadu (KE) hodi extende Estadu Emerjensia ba dala-16, tanba dadaun ne’e variant Delta iha ona Timor-Leste.

Hafoin enkontru ba jornalista sira Xefe Casa Sivíl, Francisco Maria de Vasconcelos informa katak Konsellu Superior Defeza no Seguransa (KSDS) ho Konsellu Estadu (KE) enkontru hotu ona, tanba pedidu governu nian mai Prezidente Republika atu husu ba  Parlamentu Nasional (PN), atu extende ka la extende Estadu Emerjensia (EE).

“Ora-oras tan ka kleur liu aban dadersan sei haruka pedidu ba Parlamentu Nasional, karta ne’ebé ba hato’o ba Prezidente Republika atu husu extensaun ba estadu emerjensia.” hateten, Xefe Casa Sivil iha Palasiu Prezidensial Nicolau Lobato, Bairu-Pite, 26/7.

Xefe Casa Sivil dehan medidas nafatin hanesan estadu emerjensia uluk, depois ita haree katak ita nia vizinho Indonesia dadus ne’ebé mak iha ne’eba katak, Virus Delta komesa sa’e, tanba ne’e mak atu husu ba Parlamentu Nasional atu diskuti atu extende Estadu Emerjensia ka la exetende EE.

Iha Fatin hanesan Diretor Ezekutivu FONGTIL, Daniel dos Santos, hateten, sosiedade sivil nia prejensa ne’e hanesan observadór ita observa, depois iha oportunidade ita bele fo hanoin ruma liga ho pedidu governu nian estensaun estadu emerjensia dala-16.

Diretor Ezekutivu FONGTIL, haktuir, Maiória husi Konsellu hotu-hotu fó opiniaun katak, proposta governu nian ba estensaun EE, hanesan observadór ita haree, oinsa mak ita analiza ba situasaun real ho proposta ne’ebé governu hateten, signifika iha nesesidade ba estensaun EE tanba agora ita antesipa ba variant delta.

Daniel hatutan ita iha esperiénsia tanba COVID-19 ninia orijen tama iha ita nia rain, tanba laos ema sira pasajeiru legal, ne’e pasajen ilegal sira, ho esperiénsia ne’ebé mak ita iha ne’e mak ita hanoin katak EE ne’e be proposta hosi governu nian ne’e iha nesesidade atu halo estensaun.

“Estensaun EE ne’e tenki rigurozu, tanba agora ita iha problema ida, governu deside re-ativa eskola, depois sira ne’ebé vasina ne’e ita define idade husi 18-60, agora ita re-ativa eskola ema sira ne’ebé ba eskola laos ema sira vasina, sira ne’ebé idade husi 17 ba kraik to’o zero ne’e, sira mak agora eskola, agora variant delta tuir informasaun siénsia katak, nia perigu ba alin sira ne’ebé ki’ik oan, ida ne’e mak sai kestaun,” akresenta Daniel.

Print Friendly, PDF & Email

LEAVE A REPLY

Please enter your comment!
Please enter your name here