Home Notisia MESSK Asina MoU ho Kampaña 3, Fo Apoiu Liña Internet Ba Instituisaun...

MESSK Asina MoU ho Kampaña 3, Fo Apoiu Liña Internet Ba Instituisaun Ensinu Superior

357
0
MESSK ho kompania 3 asina MoU. [Foto: Joselina | 24.07.2021]

Reportajen Joselina dos Santos

Ministériu Ensinu Superior Siénsia e Kultura (MESSK) ho Ministeriu Finansas (MF) asina MoU ho Kompaña 3 Telekomcel, Telemor no Timor Telekom hodi fo apoiu liña internet ba Instituisaun Ensinu Superior Hamutuk 18.

Hafoin asina akordu Diretór Jerál Administrasaun Finansas MESSK Hernánio  V. da Costa Soares hateten, atividade ohin ne’e sira asina kontratu rua ho  Kompaña tolu Telemor, Telekomsel no TimorTelekom. Primeiru atu fo apoiu pulsa internet ba Estudante Ensinu Superior 18 ne’ebé akreditadu iha Ministériu Ensinu Superior, atu kria liña internet ba iha Instituisaun Ensinu Superior Privadu sira tanba la inklui UNTL no IPB, entaun Universidade privadu 16 mak sei hetan liña internet ho apoiu ne’ebè Ministériu halo liu husi kompaña Telemor, Telekomsel no TimorTelekom

“Apoiante ne’e ba estudante sira ne’ebé rejistadu iha Ministeriu hamutuk  64 mill resin, no pulsa ne’ebé  ami haruka depende ba númeru ne’ebé mak tama mai iha Ministériu. Nestu momentu Ministériu simu instituisaun Ensinu Superior  hamutuk 17 nia esperansa sira ne’ebé mak hatama naran ho lista de numerus Telefone mai iha Ministeriu liu husi Diresaun Jeral Ensinu Superior Siénsia hamutuk 38.107 ne’ebé fahe ba iha Telekomsel, Telemor no TimorTetelekom,”  dehan Direitor Jeral Administrasaun Finansas MESSK Hernánio V. D. Soares ba Jornalista sira iha Salaun MESSK Kolmera, 23/07.

Nia dehan numeru ba Telekomsel pur volta 5.000 resin numerus no ba iha Telemor  23.000 tal estudantes nomos ba TimorTelekom 9.000 tal estudante mak simu no total hamutuk 38.107 estudante ho nia numeru telefone  ne’ebé sira hetan.

“Pulsa ne’ebé ami haruka ba estudante sira, komesa husi Jullu, ami fahe ba fulan tolu kada fulan ami haruka $10.00 Pur numerus ba estudantes,” Direitor esplika.

Nia hatutan, Mekanismu ne’ebé sira uza hodi fahe pulsa ne’e mak halo konkordansia  ho kompaña mak  kompaña transperensia direita ba iha estudante sira nia numeru ne’ebé mak tama iha Ministeriu ho numeru total 38.107  direita ba sira nia numeru ida-idak.

Iha Fatin hanesan Diretór Sistema de Informasaun (DSI) Kompaña Timor Telekom, Ladislau  E. D. Saldanha afirma akordu ne’e inisiativa ne’ebé mak furak husi Ministeriu Ensinu Superior tanba durante ne’e, estudante sira hela de’it iha uma no sira laiha atividade tanba implementa Serka Sanitaria no Estadu Emerjensia no  balun pulsa laiha no atividade  eskola mos taka entaun susar ba profesores sira  atu sustenta aula online ba estudante sira.

“Ho ida ne’e mak inisiativa di’ak husi Ministeriu katak, akordu ne’e  iha oin rua mak ida koneksaun ba eskola kada Universidade hetan 5mb  no ida koneksaun ba estudante sira hetan pulsa tuir kontratu ne’ebé iha $ 10.00 ne’e sei fahe ba kada 15 dias mak foin transfer pulsa,” Direitor informa.

Print Friendly, PDF & Email

LEAVE A REPLY

Please enter your comment!
Please enter your name here