Home Justisa Edifísiu PNTL Iha Kaikoli, RbR Fo Karta Providénsia Kautelar Ba TDD Tanba...

Edifísiu PNTL Iha Kaikoli, RbR Fo Karta Providénsia Kautelar Ba TDD Tanba Governu Sedauk Kumpri Lei

908
0
Ekipa Rede ba Rai. [Foto: Francisco JDA | 23.07.2021]

Reportajen Francisco JDA

Rede ba Rai (RbR) sei hato’o karta providénsia kautelar restituisaun provizóriu pose ba Tribunal Distritál  Dili (TDD) relasiona ho projetu edifísiu PNTL ne’ebé sei harii iha Kaikoli, tanba komunidade mós iha hela dokumentu hanesan nain ba rai, maibé governu liu hosi Teras no Propriedade seidauk kumpre lei espropriasaun nune’e na’in ba rai hamutuk RbR, atu husu ba tribunal fo fila fali sira nia pose ba komunidade sira.

Tuir Advogadu Rede ba Rai, Dr.Julio  da Costa  informa ba Neon Metin katak iha providénsia kautelar ne’ebé sei hatama ba tribunal, atu husu ba tribunal, fó fila fali komunidade nia rai ne’ebé PNTL halo tiha ona didin ka haleu tiha ona atu entrega fali ba nain, tanba governu seidauk selu indenimizasaun ba rai

“Bainhira ema ida sente katak, iha pose ba rai no ema foti ho obrigatóriu kontra nia vontade, iha dalan ida mak providénsia kautelar ba iha restituisaun pose provizóriu tanba ne’e husu ba tribunal atu foti fila fali pose ne’ebé hadau tiha hosi governu liu hosi PNTL,” hatete Advogado Rede ba Rai Dr.Julio da Silva iha Farol Haburas, 23/07

Nia dehan providénsia kautelar ne’e hanesan kazu urjente ida hato’o ba tribunal, tanba komunidade afetadu nia pose ne’e PNTL foti tiha ona, rai ne’e e haleu tiha didin, komunidade afetadu sira labele goza sira nia pose tanba ne’e husu tribunal atu foti fali desizaun

Prosesu harii edifísiu PNTL ne’e afeta ba ema ida nia rai, hetan afeta hosi despeza forsada, tanba nia mak iha lejitimidade hatama prosesu ne’e ba iha Tribunal, se karta ne’e hato’o ba tribunal mak desizaun balun la konkorda, bele rekorre fali ba tribunal ida aas liu maibé ida ne’e hanesan prosesu urjente ida

Maske prosesu atu harii edifísiu ne’e negosiasaun hahú ona iha 2013, maibé to’o agora seidauk hetan konkordánsia ba rai, nune’e Ministériu Justisa fó ona sertifikadu rejistu, maibé nain ba rai ikus mai komunidade ne’ebe afeta ba projetu ne’e la rekoinese sira, no nain ba rai hakarak iha indenimizasaun ba rai

Print Friendly, PDF & Email

LEAVE A REPLY

Please enter your comment!
Please enter your name here