Home Saude Teste Genomic Deteta Ema nain 4 Afeta Delta Variant, nain 1 Rekupera,...

Teste Genomic Deteta Ema nain 4 Afeta Delta Variant, nain 1 Rekupera, nain 3 Iha Isolamentu

927
0

Reportajen Zevonia Vieira

“Ema nain 4 ne’ebe afeta Delta Variant iha hotu fatin kuarentena no izolamentu. Hosi nain 4 ne’e, nain ida negativu ona, no fila ona ba uma, nain 3 sei nafatin iha izolamentu. To’o agora seidauk iha evidénsia katak variante ida ne’e, nakda’et ona iha komunidade”.

Relasiona ho Variant Delta ka B.1.617.2 ne’ebe sai nu’udar variant of concern (VoC) hamutuk ho variant Alpha no Beta ne’ebe deklara hosi Organizasaun Saude Mundial (OMS), sai mos atensaun seriu iha Timor-Leste.

Liu hosi komunikadu imprensa Centru Integradu Jestaun Krize (CIJK), informa ba públiku katak rezultadu sekuensiasaun genómica husi amostra 300, ne’ebé Laboratoriu Nasional Saúde haruka iha loron 14 Jullu 2021 ba Peter’s Doherti Institute iha Melbourne, Australia ho pedidu atu halo teste urjenti ba amostra balun, hadutu katak amostra husi ema nian 4 ne’ebé tama husi Indonesia iha loron 26 Juñu ho loron 8  Jullu, iha lineajen B.1.617.2 (Delta), variante ne’ebé preokupante, ka ‘’variant of concern’’.

Tuir esplikasaun iha komunikadu imprensa relata katak ema nain 4 ne’ebe afeta variant Delta iha hotu fatin kuarentena no izolamentu. Hosi nain 4 ne’e, nain ida negativu ona, no fila ona ba uma, nain 3 sei nafatin iha izolamentu. To’o agora seidauk iha evidénsia katak variante ida ne’e, nakda’et ona iha komunidade.

Nune’e jerál ba iha Timor-Leste, kazu detetadu foun ne’ebe relata ohon loron 23 Jullu hamutuk nain 54 (iha Dili 40, munisípiu seluk nain 14).

Husi total kazu detetadu foun ohin mane 29, feto 25. Husi total kazu detetadu foun ohin, hirak ho idade tinan ho idade>60 nain ida, 24% maka sintomátiku (hatudu sintomas). Kazu rekuperadu hamutuk 45, total kazu ativu hamutuk 726.

Total kazu konfirmadu kumulativu hosi loron 21 Marsu 2020 to’o ohin loron hamutuk 10.281 no ema ne’ebe halo teste PCR hamutuk 742

Print Friendly, PDF & Email

LEAVE A REPLY

Please enter your comment!
Please enter your name here