Home Notisia KI Lamenta Ho MNEK, Tanba Hakru’uk ba MNE Xina nia Protokolu, Bandu...

KI Lamenta Ho MNEK, Tanba Hakru’uk ba MNE Xina nia Protokolu, Bandu Jornalista Husu Pergunta Ba Wang Yi – Koresaun

229
0
Konsellu Imprensa halo konferensia imprensa. [Foto: Adroaldo | 03.06.2022]

Reportajen Adroaldo “Saretukau”

Konsellu Imprensa (CI), hala’o konferénsia imprensa hodi hato’o pozisaun no lamentasaun relasiona ho vizita Ministru Negósiu Estranjeiru (MNE) Xina mai Timor-Leste, iha ne’ebé Ministra Negósiu Estranjeiru no Kooperasaun (MNEK) Timor-Leste, bandu jornalista atu labele husu perguntas hodi hakru’uk ba protokolu MNE Xina nian.

Konferénsia imprensa ne’ebé hala’o iha Salaun enkontru KI, Kintal Boot, Sesta (03/06), ba jornalista sira Prezidente CI, Virgílio Gutteres “Lamukan” hodi KI nia naran espresa lamentasaun ba MNEK Timor-Leste relasiona ho akordu bilateral ne’ebé hala’o iha Díli, ne’ebé bandu jornalista sira atu labele husu pergunta.

Tanba ne’e KI husu atu Ministra Adalgiza husu ba nia omólogu katak iha rai ida ne’e demokrásia, iha ne’ebé prezidente povu mak hili, governu mos mai hosi eleisaun jeral mak hili, entaun bandu ema atu labele husu ne’e la koresponde ho prinsípiu demokrásia rai ne’e nian, la’os lori nia omólogu nia protokolu mai aplika hodi kompromete rai ida ne’e nia dignidade, nune’e Ministra Adalgiza tenki hatete ba ni-nia omólogu. “La’os vizita ne’e, vizita ne’e la’os Xina. Estadus Unidus da Amérika ga, Vatikanu ga rai seluk mai vizita, sira mai, mais buat ida ne’ebé ke ita tenki buka ne’e mak ita labele ba tuir fali protokolu sira nian, se mai vizita iha ne’e, se bele ne’e halo balansu sira nia protokolu, ita nia protokolu hotu.”

“Se Ministériu Negósiu Estranjeiru China nian lakoi responde pergunta sira ou nia lakoi fo resposta ne’e kompeténsia Ministru Negósiu Estranjeiru China nian, mais bandu jornalista sira atu labele husu, ida ne’e mak sai problema, entaun ida ne’ebé mak Conselho de Imprensa nia pozisaun hakarak atu hatene dala ida tan,” Prezidente CI preokupa.

Prezidente Virgílio dehan, estadu no ministériu sira ne’e harii ho objetivu prinsipal mak atu dignifika povu no rai ida ne’e, la’os atu kompromete fali povu ida ne’e nia integridade, povu ni-nia onra, ni-nia istória, nia akresesan ukun-aan ida ne’e la’os tanba partidu ida deklara mak ukun-aan maibé povu tomak luta mak ukun aan, tan ne’e labele taka informasaun ba povu.

“Entaun labele subar informasaun, labele taka informasaun, sá-tán vizita Ministru Negósiu Estranjeiru ne’e atu mai asina akordu, i entre akordu sira ne’e, akordu ida konabá dezenvolvimentu Rádiu Televizaun Timor ni-nian, entaun ida ne’e sai interese média ni-nian, interese públiku ni-nian atu hatene, apoiu ne’e to’o iha ne’ebé ona,” deklara Prezidente KI.

Prezidente KI apelu ba responsável MNEK Timor-Leste dala ida tan atu hatete katak bandu jornalista sira atu labele husu pergunta ba fontes informasaun ne’e sensura no ne’e la’os linguajen diplomátika, nia hatete ker dizer ke enkontru ne’e taka ba públiku, la iha kobertura, maibé se enkontru ne’e nakloke no bandu jornalista sira labele husu pergunta ida ne’e sensura no ida ne’e violasaun ba ita nia konstituisaun i viola prinsípiu liberdade imprensa, tanba ne’e mak CI protestu i lamenta.

“Husu ba Ministru Negósiu Estranjeiru i Ministériu sira seluk (Timor-Leste nian) hotu iha ámbitu ko’alia konabá relasaun internasionais, koperasaun saída de’it, labele kompremete povu nia direitu atu hetan informasaun, povu ni-nia direitu labele sai mutun ba ita nia relasaun di’ak ho rai seluk, povu tau osan ba governu atu halo relasaun, maibé relasaun sira ne’e labele kompromete fali dehan povu ne’e labele iha direitu atu hatene informasaun, povu la iha direitu atu halo manifestasaun, ida ne’e mak labele, ida ne’e ita kompromete,” nia hakotu.

Print Friendly, PDF & Email

LEAVE A REPLY

Please enter your comment!
Please enter your name here