Reportajen David da Costa Gusmao
Ministériu Saúde (MS) kazu foun COVID-19 iha loron 4 Fevereiru hamutuk 63, nune’e kazu ativu sae tan ba 369
Iha komunikadu imprensa Koordenadora Jeral Surtu Covid-19, Ministériu da Saúde, Dra. Odete da Silva Viegas dehan numeru kazu detetadu foun 63 (taxa pozitividade:4,8).Total kazu rekuperadu 3, ema ne’ebé hala’o tratamentu ospitalizadu nain 5, obitu 0 (zero). Munisipiu 6 la iha ona kazu ativu no munisipiu 5 ho RAEOA sei iha kazu esporádiku.
“Kazu ne’ebe sei ativa hela mak iha Munsipiu 5 no inklui RAEOA, no kazu foun ohin ne’e iha Munisipiu Bobonaro na’in 5, Dili 47, ermera 1 no RAEOA na’in 10 no totál kazu ativu agora 369. Total kazu konfirmadu kumulativuura sura husi 21 Marsu 2020 to’o mai ohin loron hamutuk 20.240”, esplika koordenadora Geral Surto Covid-19, Ministerio da Saúde nian, Dra. Odete da Silva Viegas, iha komunikadu imprensa ne’ebe neon metin asesu iha loron Sesta 4/02.
Nia haktuir hosi horisehik mai ohin, loron 4 Fevereiru tinan ne’e, Laboratóriu Nasionál Saúde halo testes Polymerase Chain Reaction (PCR) hamutuk ema nain 293 no Total testes PCR ne’ebé halo horiseik, dia 02 de de Fevereiru iha Munisipiu sira seluk , REAOA & HNGV, hamutuk 225.
Total teste PCR iha oras 24 ikus 518 Ida ne’e hatudu taxa pozitivu 4.8 (iha semana kotuk, 28 de Janeiro, taxa pozitividade: 0.3%).
Nune’e mós Vasina ne’ebé fó ona ba populasaun elijível (tinan 18 ba leten), to’o ohin dader, tuir Sistema Informasaun Sáude iha Ministériu Saúde nian katak vasina dahuluk kompleta ona 84,2% no vasina daruak iha ona 70,9%.
