Reportajen David da Costa
Tuir dados Fokupers ne’ebé maka Neon Metin asesu, iha loron Kuarta 21 fulan Febreiru 2024, Fokupers rejistu kazu Violénsia oioin, hahú husi fulan Janeiru to’o Dezembro tinan 2023, rejistu kazu hamutuk 271. Violénsia Fiziku mak aas hamutuk 128.
Husi total kazu 271 ne’e iha Tipu kazu oioin hanesan, Violénsia Fiziku numeru aas liu hamutuk 128 , Violénsia fiziku ba Labarik iha kazu 5, Abandona husi Laen kazu 58, abandona husi namoradu iha kazu 5, Violénsia Seksual ba ema bo’ot iha kazu 12, Kazu Violénsia Seksual hasoru labarik iha kazu 12 (Violensia seksual mak ema ne’e halo ona relasaun seksual ho kliente), abuzu seksual ba labarik iha 24 (abuzu seksual mak kaer ka obriga atu halo relasaun seksual ho vitima sem vitima nia hakarak), Insestu ba labarik iha 4, asediu seksual kazu 1, Violénsia Publiku ka la’os Violénsia Doméstika, agresivu hasoru labarik iha 4.
Enkuantu, kazu Violénsia publiku ka la’os Violénsia Doméstika, agresivu fiziku ba ema boot iha 5, tentativa violénsia seksual 5, violensia psikolojia 2, Violensia Seluk iha 6.
Husi kazu hirak iha leten ne’e, kliente ne’ebé mai mesak hamutuk 50, reprezentante Fokupers hamutuk 2, refere hosi Familia kliente iha 26, refere husi Polisia Unidade Pessoal Vulneraveis (VPU), Komunidade Eskuadra Polisia, ho Polisia Servisu Investigasaun Kriminal (PSIK) iha 37, PRADET iha 73, Asistensia Legal ba Feto no Labarik (ALFeLa) iha 41.
No husi Ministeriu Solidariedade Sosial no Inkluzaun (MSSI) iha 10, Rede Referal sira hanesan, Uma Paz Baucau 2, UNTL iha 2, Kedutaan Besar Republik Indonesia (KBRI) iha 4, Refere husi AJAR iha 3 no Rede Feto iha 10, Hospital iha 2.
Entretantu kazu hirak ne’ebé iha ona Polisia hamutuk 84, iha Ministeriu Publiku hamutuk 79, iha Defensor Publiku hamutuk 9, iha Tribunal hamutuk 23, konsultasaun trata dokumentus hamutuk 18, Rezolve tuir familia mediasaun (Kazu Sivil) hamutuk 8, Vitima lakohi prosesa nia kazu, laiha informasaun hamutuk 15, no Husu ba prosesu ka Kazu seidauk rejistu ba Polisia, Ministeriu Publiku no Defensor publiku hamutuk 14.
