Home Notisia Vice PM Husu Ba Ministeriu Saude Tau Prioridade Serbisu Saude nian Iha...

Vice PM Husu Ba Ministeriu Saude Tau Prioridade Serbisu Saude nian Iha Area Rural

204
0
Ministra Saude ho ekipa iha gabinete Vice PM Kaikoli. [Foto: Adroaldo ‘Saretukau’ | 21.07.2020]

Reportazen Adroaldo ‘Saretukau’

Ministra Saude Dra. Odete Maria F. Belo halo enkontru ho Vice Primeira Minista (Vice PM) no Ministra Solidariedade Sosial no Inkluzaun, Armanda Berta dos Santos, hodi koalia asuntu social nian.

Hafoin enkontru ba jornalista, Ministra Saude hateten iha audiensia ne’e atu hatoo delegasaun kompetensia hosi Primeiru Ministru konaba asuntu social no rona hanoin balun hosi Vise Primeira Ministra

“Ohin enkontru ida ne’e lidera hosi Vise Primeira Ministra no nia hakarak atu hatene Ministériu Saúde nia prioridade sira ne’ebé mak nia propoin no rona mos hanoin hosi Ministeriu Saude”, dehan Ministra Saúde iha Gabinete Vise Primeira Ministra Kaikoli, 21/07

Nia hatutan Vise Primeira Ministra husu para atu tau liu prioridade ba iha atendimentu ba pasiente sira, oinsá lori ita nia serivsu saúde ba iha ita nia komunidade, haree ba iha infra-estrutura, liu-liu ba iha Postu Saúde, Sentru Saúde inklui ona médiku sira nia hela fatin, tanba durante ne’e médiku sira hela iha fatin iha rurais tebes no hela fatin la iha.

Dra. Odete mos hateten ba iha ekipamnetus médikus, ne’ebé mak sei falta iha Sentru Saúde, Postu Saúde sira, ne’ebé presiza atu kompleta, konabá sistema Referal nian no oinsá atu bele redús kustu ba iha Sistema referral nian.

Vice Primeira Ministra mos husu atu matan nafatin ba mediku no infermeiru sira ne’ebe mak serbisu ba asuntu moras surtu Covid-19.

LEAVE A REPLY

Please enter your comment!
Please enter your name here