Reportajen Adroaldo ‘Saretukau’
Iha loron 3 Fevereiru 2022, ekipa susesu hosi kandidatura Partidu Demokrátiku da Repúblika de Timor (PDRT) ba Prezidente Repúblika (PR), Anacleto Bento Ferreira rejista ona iha Tribunal de Rekursu (TR) Caicoli, ho apoiante hamutuk proponente 6.000 resin, hodi kompete iha eleisaun Prezidensiál períodu 2022-2027.
Hafoin rejistu, Porta voz kandidatura Anacleto Bento Ferreira hosi hodi PDRT, Matias Boromeu hatete rejistu ona sira nia kandidatu ho proponentes 6.000 resin.
“Ha’u submete ona ba Tribunal Rekursu, ita prense kritéria ho kartoens proponentes, apoiu kandidatu, pur volta 6 mil ital, ne’ebé sei apoiu ba ita nia kandidatu. Númeru maioria hosi munisípiu 14 ne’e, apoiantes barak liu hosi munisípiu Díli, Ermera, Bobonaro, Ainaro i Covalima,” hatete Porta voz Matias jornalista sira, 03/01.
Nia hatete, iha esperansa ba eleisaun ida ne’e, maibé buat hotu fila ba povu mak deside, “ita iha esperansa, liu ho la liu ne’e fila fali ba povu mak julga liu hosi eleisaun, mais ita mai iha esperansa katak tenki manan.” PDRT nia kampaña eleitoral sei hahú iha munisípiu Bobonaro, Postu Administrativu Arabae.
