Reportajen Filomena da Conceiçăo
Vise Prezidente kompaña Bolloré , philippe Labonne, agradese ba Prezidente Repúblika, josé Ramos-Horta, tanba fo ona fiar ba konpaiña Bollorè hodi halo investinmentu iha portu Tibar. Tanba portu Tibar ne’e hanesan portu ne’ebé importante ba nasaun Timor-Leste no fasilita atu hatun presu ró seluk hodi hatun presu ba selu ró sira atu tama mai ne’e, tanba agora dadauk ne’e ró ki’ik mak tama i aban bain rua ró bo’ot mós sei bele tama tanba portu ne’e bele fasilita kontentor 7.000 kontentor rò ne’e bele fasilita mai portu tibar ida ne’e, ne’ebé ida ne’e sei bele fó benefisiu ba economia Timor-Leste tomak.
Nune’e mós Presidente hato’o mensajen katak nia satisfaz no kontente ba rezultadu ba investimentu ne’ebè maka kompaña halo iha portu Tibar i iha mòs mensajen katak atu halo atividade adisionàl ne’e hanesan drive-ar ne’e hanesan hadia ba manutensaun hanesan ba rò sira aban bain rua.
“Tanba ida ne’e ami iha hanoin hanesan para dalaruma atu aumenta tan fasilidade para bele fasilita atu halo manutensaun ba rò sira ne’ebè iha Timor iha aban bainrua tanba ida ne’e mòs hanesan fò benefìsiu ba Timor-oan.” Dehan Vise Prezidente Bolloré philippe Labonne ba jornalista sira hafoin remata enkontru ho Prezidente Repúblika, José Ramos-Horta, iha Palásiu Prezidensiál, kuarta 30/11.
Nia haktuir Kona-ba prosedur sistema sikuènsia iha portu Tibar sistema ne’ebè elektronik hotu, ne’ebè opresaun portu ne’e la’o ho transparante hotu-hotu uza sistema ne’ebè modernu teb-tebes ne’ebè sei fò benefìsiu iha futuru. Maibe abele kompara presu husi portu Tibar ho portu Dili tanba kondisaun portu la hanesan.
“Kona_ba presu ita labele haree ba komparasaun presu portu Tibar ho Portu Dìli tanba kondisaun la hanesan maibè intensaun saida mak halo investimentu entre setór privadu ho pùbliku halo investimentu hamutuk kria fasilidade ne’ebè mak modernu i estandar internasionàl ne’ebè sei bele fasilita ba no atrai ba rò sira tanba aban bain rua rò boot sira sei mai. Banhira ró boot sira sei mai entaun sei iha kompetisaun no sei iha kompetisaun sei hatun presu ba selu ró ne’e, ho ida ne’e sei fó benefìsiu ba populasaun Timor tomak, ida ne’e mak parseiru entre rò ida ne’e mak governu no setòr privadu nia planu ba futuru,” Nia esplika.
