Reportajen estudante estajiadu UNTL, Joselina dos Santos
Bee Timor-Leste Empreza Públika (BTL, E.P), realiza serimónia Asina Kontratu ho total orsamentu $772, 944. 46 ho kompañia Wetodo Unipessoal Lda no Komapañia JV Talisahe Unipessoal Lda, kona-bá projetu Konstrusaun Sistema Bee-Moos ba komunidade sira Postu-Administrativu Soibada, Munisípiu Manatutu ne’ebe durante ne’e seidauk asesu ba bee-moos.
Prezidente Bee Timor-Leste Empreza Públika (BTL, E.P), Carlos Peloi dos Reis hatete Ohin sira asina kontratu ho komapañia Wetodo Unipessoal Lda JV Talisahe Unipessoal Lda ho nia ekipa atu realiza projetu sistema meloramentu bee-moos ba Komunidade sira Postu-Administrativu Soibada, Munisipiu Manatutu ne’ebe durante ne’e la asesu ba bee-moos to’o oihn loron.
“Espera katak liu husi projetu ida ne’e ita sei hala’o prosesu kontrusaun fisiku tempu badak nia laran iha fatin refere, konstrusaun ne’e sei hahu iha semana rua mai sei orienta Ona ho kompañia ne’ebe oihn asina kontratu, atu nune’e bele hala’o sira nia servisu ho dadaun”, Dehan, Prezidente Carlos Peloi dos Reis hafoin asina kontratu iha Edifisiu BTL, E.P Caicoli, 03/06.
Iha fatin hanesan, Autoridade Administradór Postu-Administrativu Soibada Munisípiu Manatutu, Luis Gonzaga da Silva informa sira nia prezensa ohin hamutuk Prezidente BTL, objetivu asina akordu ho kompañia na’in rua ho esperansa no agradese ba VIII Governu tanba oferese ona projetu bo’ot ida ne’e ba povu Soibada ne’ebe durante barak nia laran povu Soibada halerik ba bee-moos.
“Komunidade Postu-Administrativu Soibada Munisipiu Manatutu, hamutuk Uma Kain 280 no 1,680 populasaun mak seidauk asesu ba bee-moos, projetu refere sei fó benefisia mos ba Suco Samoro, Manlala, Leohat, Fatumaquerec, Igreja Edifisiu do Postu inklui mos Eskola no Sentina Públiku,” Tenik nia.
