Home Notisia Selu Be’e Moos Fulan Ida $1, Komunidade Samalari Kontribui ba Manutensaun Be’e...

Selu Be’e Moos Fulan Ida $1, Komunidade Samalari Kontribui ba Manutensaun Be’e Moos

559
0
Joven no labarik feto kuru bee moos iha Samalari, laga (Foto: Frans JDA)

Reportajen Francisco JDA

Komunidade Samalari, Posto Admistrativo Laga, Municipio Baucau, kada fulan selu be’e moos 1 dollar ba nesidade uma laran. Halo ida ne’e nudar meius ida ne’ebe kontribui ba manutensaun fasilidade be’e moos wainhira hetan falansu ruma. Be’e  ne’ebe distribui ba komunidade sira uja bomba, no bomba hosi rai klean ba foho leten.

Tezoreira  PNDS Suku Samalari, Josefina de Almeida hatete Programa PNDS lori be’e besik liutan ba komunidade.

“Programa PNDS seidauk tama iha Suku Samalari, komunidade sira ba kuru be distansia dook tebes maski laselu ho osan.  Maibe ho programa PNDS tama,  fasilita ona sira no kuru be iha besik ba komunidade, la ba ona kuru iha be’e matan,” Josefina esplika ba neonmetin.info iha  Samalari, tersa, loron 07/01.

“Uluk be’e seidauk iha ne’e ami kuru be’e moos iha be’e matan. Bainhira be’e suficiente sira hariis iha mak ba eskola, maibe la suficiente sira ba hariss iha be’e matan kedas hafoin ba eskola. Agora ne’e diak ona, tanba ami bele kuru be iha centro, ne’ebe suficinte ona ba ami nia oan sira bele hariis iha uma hafoin ba eskola,” dehan Josefina aumenta.

Tezoreira ne’e mos hatutan  be’e ne’ebe  sira kuru iha sentro ne’e laos gratuita maibe kada fulan selu 1 dollar ne’e nu’udar kontribuisaun komunidade  hodi halo manutensaun. Sira rai osan ne’e atu wainhira bonba at, kanu at nune’e bele asegura fila fali.

Sorin seluk membru komunidade, Avelino de Almeida, informa katak osan ne’ebe komunidade kada fulan selu ne’e hanesan kontribuisaun ida hosi komunidade sira.

“Be’e ne’ebe ami asesu pelumenus suficiente ona atu utiliza ba han no hemu, maibe atu haris no fase ropa sei presija ba iha be’e matan naran Bubudefu. Tanba be’e ne’e mos laos mai loron-loron, semana ida dala rua ou tolu nune’e. Ne’e mos depende ba eletrisidade. Bainhira funsiona entaun be’e ne’e ami asesu, maibe eletrisidade mate ami la bele asesu ba be’e ne’ebe PNDS oferece” dehan Avelino

Nia mos hatutan tan wainhira kuru be’e mos ne’e familia ida lori jerken 20, la bele liu. Komunidade barak wainhira komunidade sira kuru hotu ona hafoin bele repete. Be’e mos suli tuir oras ne’ebe determina, no be’e ne’e mos oferese ba aldeia tolu hanesan Sorugua, Samalari, no Lualari iha suku Samalari

LEAVE A REPLY

Please enter your comment!
Please enter your name here