Home EduTek Eskola 3 Siculu Has Larigua Samalari, Hetan Estraga Hosi Ema Deskonnesidu

Eskola 3 Siculu Has Larigua Samalari, Hetan Estraga Hosi Ema Deskonnesidu

615
0
Eskola 30 Siculu Has- Larigua Samalari- Laga. [Foto: Francisco JDA | 08.01.2020]

Reportazen Francisco JDA

Eskola 30 Siculu Has- Larigua Samalari- Laga, município Baucau tuir informasaun ne’ebe hato’o hosi Diretor Jose da Costa Lobo ba jornalista Neon Metin katak ema deskonnesidu estraga fasilidade iha eskola refere, hanesan tesi kotu linha eletrisidade, tuda rahun vidro no odamatan eskola nian.

Diretor Jose hateten fasilidade hirak ne’e oferese hosi Ministeriu Edukasaun no Desportu hodi apoiu prosesi aprendizajen.

“Lamenta tanba ema halo estragus ba iha eskola 3o siculu Has Larigua, hau rasik hato’o ona ba iha autoridade lokal iha suku Samalari maibe seidauk iha konfirmasaun ruma. Ami konfirma ona ba iha xefe aldeia no xefe suku, maibe seidauk iha resposta ruma, sira mos seidauk mai hodi hare akontesesimentu ne’e, ami somente halo deit mak nia relatorio atu entrega ba xefe suku no xefe aldeia sira”, hateten Diretor, 08/01.

Direitor ne’e hatutan katak, hosi parte eskola rasik seidauk identifika ema ne’ebe halo estragus ba sasan eskola nian. Iha 2004 parte hosi eskola hetan duni ema halo estragus ba eskola refere maibe konsege identifika no bolu nia inan aman sira no lider autoridade lokal sira nune’e mai rekupera fila fali.

Sorin seluk Xefe Aldeia Sorugua, Carlos De Almeida Gama hatete nia parte hato’o ona ba iha Xefe Suku no juventude hotu relasiona ho sasan eskola nia ne’ebe hetan estragus,vidro eskola nian hamutuk 25, maibe tanba nia parte mos la hare, maske nune’e autoridade lokal sei tur hamutuk ho direitor eskola iha tempo badak sei resolve

Carlos hateten sei hato’o ba xefe juventude, xefi aldeia tolu hanesan aldeia Lualari, Samalari, Sorugu, hamutuk ho xefe do Suku sei tun direitamente ba iha eskola refere nune’e bele foti solusaun hamutuk.

LEAVE A REPLY

Please enter your comment!
Please enter your name here