Home Notisia Kompañia Crown Unipessoal, Lda Entrega Ekipamentus Makina Sukat Alkatraun ba MOP

Kompañia Crown Unipessoal, Lda Entrega Ekipamentus Makina Sukat Alkatraun ba MOP

120
0
Ministru Obras Publika, Salvador Pires, Simu Makina Sukat Alkatraun Hosi kompañia Crown Unipessoal.Lda (Foto: Shanty da Costa)

Reportajen Santina Lucia da Costa

Ministerio Obras Publikas, Salvador Pires, simu makina sukat alkatraun ho hosi kompañia Crown Unipessoal.Lda. Iha nia diskursu, Salvador Pires hatete katak, nia kontenti  mai hamutuk  hala’o programa serimonia entrega ekipamentu husi kompañia Crown Unipessoal.Lda, ekipamentu importante tebes ba asegura kualidade investimentu governu nian iha setór Estrada.

“Ita hotu hatene katak ita nia Estrada total 640.50 kilometrus, estrada nasional por volta 1.400 i tal ita halo ona 800 i tal. Ita iha projetu barak, liuliu estrada nasional ne’ebé lao ona total husi investe ne’e ita estabelese para ita halo ona rekonstrusaun, balun kompleta ona no balun sei rekursu por volta  sentus e tal kilometrus. Estrada municipal  900 I tal, 35 I tal mak ita halo ona, Estrada rural 3.700 I tal, total foin halo por volta 600-800 kilometrus. Entaun ne signifika investimentu iha infranstrutura liliu ba mediu koletiva unidade entre rejiaun iha pais ida ne’e prinsipalmente importante, governu sei tau nafatin importansia investimentu boot tebes. Ministerio Obras Publikas, Salvador Pires, hato’o nia diskursu, loron tersa-feira, 14/01/2020, iha edifisiu, Diresaun Nasional Peskiza MOP, Kaikoli, Dili.

Ministerio Obras Publikas hateten makina ne’ebe fornese sei ajuda halo verifikasaun no inspesaun ba investementu governo nian.

“ Ekipamentus makina ida ne’e bele substitui teste manual baibain hanesan  halo instalasaun ba estradas,  ida ne’e fasilita mós ita nia pagamentu ba setór privadu sira ne’ebé mak halo Estrada sira ,makina ida ne’e ajuda teb-tebes, ita nia prosesu verifikasaun no inspensaun ba investimentu ne’ebé governu halo iha Estrada setór nian no hametin nafatin ita nia misaun.” Dehan MOP Salvador.

Nia dehan, makina teste alkatraun ne’e nu’udar ekipamentu dahuluk ne’ebé TL iha no mós iha planu atu aumenta tan ekipamentu sira seluk.

Iha parte seluk, Diretór Jeral Administrasaun Finansas, Januario Patricio Barbosa, dehan, entrega ekipamentus  ida ne’e hanesan simbolika tanba fasilidade seidauk kompletu hotu. Ita nia tekniku sira ho logistiku seidauk simu tomak tanba kareta sei iha  dalan ekipamentus tomak iha ona fatin ida ne’e.

Januario Patricio Barbosa, hateten, husi Ministeriu Obras Publikas, Diresaun Nasional Peskiza no Dezenvolvimentu Obras Publikas iha planu ba 2019 ninian hato’o pedidu ba ministeriu da obras publikas atu fasilita hola ekipamentus ba teste ninian ne’ebé ohin ita hotu partisipa hodi bele entrega diresaun refere.

Orsamentu mai husi OGE 2019 nian ho montante $272 miloens ba ekipamentus ida ne’e ho nia prosesu naruk tebes. Iha fulan marsu 2019, Diresaun Nasional Peskiza, hato’o sira nia proposta ba iha Diresaun Nasional Finansas, hodi prosesa tuir lei aprovisionamentu ne’ebé ita iha. Tanba ne’e iha loron 22 de abril 2019 DNA ( Diresaun Nasional Aprovisionamentu) hahu loke tenderizasaun ba publiku, depois iha ne’eba kompañia lima maka compete ho kompañia Crown Unipessoal, Lda. Maibé husi teknika sira nia avaliasaun ba sira, ohin sai hanesan vensedór hatama ekipamentus maka kompañia Crown Unipessoal, Lda,  tuir determina tempu ne’ebé ke asina hamutuk ho MOP iha dia 15 de jullu 2019. Ohin los duni ita hotu hatene katak kompañia tuir duni ninia dever bele mai entrega ona ekipamentus maske seidauk kompleta tanba tempu, sei iha dalan tanba Ró ne’ebé atu mai iha timor ne’e tenki sasan kompletu maka bele mais, Esplika, Diretór Jeral Administrasaun Finansas.

Diretór kompañia Crown Unipesoal, Lda, Agustu Baltazar, informa, ekipamentus ida ne’e atu sukat aspal,  iha ne’e husi sira kompañia Crown Unipessoal, Lda, hetan fiar husi MOP atu fornese ekipamentus ida ne’e.

“Momentu ne’eba ami akordu ho ministeriu relevante, ami kumpri saida mak husi parte MOP fó, ami fornese tuir kriteria ne’ebé mak iha, tuir lolos ami entrega iha dia 30 de Dezembru, tanba kestaun tempu,” Katak Diretór kompañia  Crown Unipesoal, Lda, Agustu Baltazar.

Nia dehan, Ba ekipamentus sira mak hanesan, makina sukat alkatraun, kareta, iha kareta laran iha laptop, komputer iha laran, maske kareta seidauk mai, sira garante katak dia 3 de Fevreiru kareta sei to’o iha timor.

“Ami prontu serbisu hamutuk ho ekipa peskiza sira atu instala ekipamentus sira, ami iha planu tau agenda fulan fevreru tuir treinamentu fulan ida, ami kompaña prepara ami nia teknik nune’e mós husi MOP prepara tekniku. Ekipamentus sira ne’e hola husi nasaun Indonesia,” Nia hatutan.

LEAVE A REPLY

Please enter your comment!
Please enter your name here