Reportajen Francisco JDA
Relasiona ho investigasaun ne’ebé hala’o husi ekipa Ministériu Saúde kona ba kazu ema mate iha postu Administrativu Quelikai, munisípiu Baucau hamutuk 54, konsege halo tracing ba família hamutuk 100 no rezultadu teste ne’ebé sai, iha ema na’in 6 mak pozitivu
Tuir Dr Nilton do Carmo da Silva ba jornalista sira hateten ema ne’ebé mate iha Quelikai la’ós tanba Covid, maibe tanba tauk atu ba fasilidade saúde no maioria mak idade avansadu ona no iha moras komorbidade
“Ita nia maluk sira ne’ebé mak mate ihaQuelikai, mate la’ós tanba Covid maibé tanba tauk atu ba fasilidade saúde no balun mate tiha iha Baucau mak lori ba Quelikai, no barak mak ho idade avansadu ne’ebé ho moras komorbidade, ida ne’e mak informasaun ne’ebé sira visilansia hato’o mai” hatete Dr Nilton hafoin aprezenta materia kona ba Covid-19 iha Parlamentu Nasionál (PN) 28/09
Dr Nilton hatete daudaun ne’e atu implementa fali nova normalidade, maibé iha faze tolu primeiru mak faze preparasaun, tranzisaun no tenke hasae númeru vasina ba sidadaun sira.
