Reportajen Joselina dos Santos
Centro Nasionál Chega! (CNC) Sosializa informasaun kona-ba asuntu promove pás no rekonsiliasaun ho tema “Papél Centro Nasionál Chega! ba implementasaun rekomendasaun sira husi relatoriu Chega no CAVR ba komunidade Izlámiku sira iha Muziad Ann’ur Kampung Alor.
Hafoin diskursu Diretór Ezekutivu Centro Nasionál Chega! (CNC), Hugo Maria Fernandes hateten primeiru atividade ba desseminasaun konaba relatoriu Chega nian ba komunidade musulmanu sira
“Tinan ida ne’e ita foku ba grupu Relijioza sira, no daudaun ne’e ba Relijioza Musulmanu sira, no sei kontinua iha 28 fulan ida ne’e, ba igreja Protestante sira, depois mak foin ita tama tan iha grupu igreja Katólika sira, atu nune’e grupu relijioza sira bele hatene saida mak relatóriu Chega, CVAR no saida mak CNC bele halo ba sira,” dehan Diretór Ezekutivu CNC ba jornalista sira iha Masjid An’nur Kampung Alor, 12/08.
Diretór CNC esplika dalaruma ema lahatene fatin ne’e tanba Massif ne’e uluk hanesan fatin istóriku ida, komesa ba oin Chega sei halo parseria, atu bele lori ema mai vizita katak masjid ne’e uluk harii sá tinan.
“Relatoriu husi istoria CAVR no Chega, hahu funu husi 1974-1999 ne’e iha violasaun Direitus umanus i violasaun ne’e la’os parte Indonezia de’it mak halo maibé Timor mos halo Violasaun kontra Golpe, parte hotu-hotu halo violasaun maibe Indonézia halo ne’e mak bo’ot liu,” dehan Hugo Fernandes.
Iha fatin hanesn Vise Prezidente Konsellu Nasional Izlámiku Timor-Leste (KNITL), Abdullan Inacio A. Soares hateten nu’udar komunidade musulmanu ami agradese tebes tanba bele aumenta koñesimentu sobre istória Timor-Leste nian, liu-liu ba jerasaun foun sira, tanba ita hatene katak iha fatin ida ne’e só ema ida ka rua de’it mak hatene istoria ne’e,” dehan Vise KNITL
“Atividade ida ne’e hanesan matadalan ba ami, espera katak ba futuru ha’u sei lori komunidade Musulmanu sira ba vizita Centro Nasionál Chega (CNC), atu nune’e ami bele hola parte iha Chega nian, hodi ba vizita Sítiu istoriku sira iha Timor laran, ida ne’e mak prinsipal tebes ba ami,” dehan Abdullan
