Home Notisia Komunidade Iha Area Rural Barak Mak Sei Asesu Bee Merak Husi Mota

Komunidade Iha Area Rural Barak Mak Sei Asesu Bee Merak Husi Mota

367
0
Diretór Ezekutivu Asosiasaun HAK, Xisto dos Santos. [Foto: Joanina | 28.07.2022]

Reportajen Joanina Casemiro

Asosiasaun HAK ho parseiru sira realiza semináriu nasionál konaba Asegura Sustentabilidade Sistema Bee no Saneamentu (ASSBS), Ijiene Rurál liuhosi mekanizmu ne’ebé efetivu entre ema foti desizaun no komunidade.

Tuir Diretór Ezekutivu Asosiasaun HAK, Xisto dos Santos hateten iha tinan 3 resin dezde 2018 to’o mai tinan 2022, HAK  hamutuk ho parseiru hodi  realiza Auditóriu Social  ba Asuntu Besi Bee ijiene iha Munisípiu rua, Liquica no Manufahi ne’ebé foku liu ba asuntu kartaun pontuasaun komunidade (KPK) sira ho valór ba esforsu ne’ebé sira halo ho parseiru dezenvolvimentu nasionál hamutuk ho ita governu, SAS kanaliza hela Bee mós ba  ita nia komunidade sira iha area rurál .

Nia dehan iha kartaun Pontuasaun Komunidade  (KPK) ho sistema Be’e hamutuk 41 Likisa ho Manufahi ami hare katak iha 34 Sistema bee mak la’o iha efetivu, maibe iha mos dezafiu seluk ne’ebé ita nia sistema sira seluk hasoru hamutuk 7 ne’ebé mak la bele la’o i paradu tanba sira rasik la iha kbiit atu resolve.

Nia hateten ezemplu sistema kanu iha Manufahi Hola Rua no iha Alas konstrusaun la tuir kritériu, sistema ne’ebé halo auditóriu social, maibé enkontru sira la’o la regular, nune’e sira nia kontribuisaun ba taxa ne’e rasik, ne’e mak sai dezafiu bo’ot ba monitoring operasionál no halo manutensaun ba ita nia torneira sira, ne’e fó risku bo’ot ita nia grupu vulneravel sira liu-liu ba feto no labarik, no ema ho defisiénsia.

“Iha momentu ida ne’e ita nia Ministériu Obras Públiku, Prezidente BTL.EP hamutuk ho ita nia parseiru dezenvolvimentu nasional atu hamutuk ita nia komunidade sira elabora dokumentu ida no agradese tebes ba Prezidente da Repúblika ne’ebé sita ona iha dia 19 Maio katak asuntu be’e mós sai prioridade estadu nian, entaun komunidade iha obrigasaun no devér, no estadu iha mandatory ida atu hakonu ida ne’e”,Dehan Diretor Exekutivu HAK Xisto dos Santos ba jornalista sira iha Salaun Apuramentu Nasional CNE, 27/07.

Nia dehan atu rezolve konaba bee moos, presiza investe orsamentu 10% ba leten, nune’e bele resolve problema bee mos iha Timor laran tomak

“Hosi monitorizasaun ne’ebé HAK hetan, ita nia komunidade iha area rural barak mak konsume de’it bee merak hosi mota, iha Bibi Leo no Krarás, sira dependente de’it ba bee mota nian, iha Alas sira konsume de’it bee merak no bee tasi”, dehan Xistu

Print Friendly, PDF & Email

LEAVE A REPLY

Please enter your comment!
Please enter your name here