Reportajen Joanina Casemiro
Prezidente BTL.EP, Carlos Pelo dos Reis informa ba jornalista sira katak, sempre apoiu governu Bee Timor-Leste, ne’ebé partilla informasaun kona-ba esforsu sira governu halo ona liu-liu Bee Timor-Leste, fornese Bee no Saneamentu di’ak liu tan ba ita nia komunidade sira iha Teritoriu laran tomak.
Relasiona ba komunidade iha area rural ne’ebé durante seidauk asesu bee no saneamentu ho diak, tinan barak ita sempre ko’alia katak bee no saneamentu ne’e setór importante ba moris di’ak ba povu nian, liu-liu atu hadi’a saúde públika nian, maibé nain hira hare investimentu ne’ebé ita halo iha setór ne’e la dun másimu.
“Governu tenke halo iha momentu ne’eba, primeiru investe mak eletrisidade gno overnu kuaze investe 1.3 milhões ital Eletrisidade no agora ita bele hare nia rezultadu, kuaze teritoriu tomak maioria 80 ou 90% komunidade asesu ona eletrisidade, governu ida ne’e investe maka’as liu tan iha bee no saneamentu”, Dehan Carlos
Apoiu ne’ebe hetan husi parseiru dezenvolvimentu sira, investe makaas liu iha setór bee no saneamentu. Tuir estimasaun katak iha komitmentu hodi investe $700.68 resin miloens ba setór bee no saneamentu, no lansa ona akordu hodi apoiu kuaze $400,20 milloens no $302 milloens ba setór saneamentu ho tratamentu bee.
“Fornese bee to’o iha kada uma, no Be’e to’o iha uma ne’e bee hemu laos bee mos hanesan agora, tanba agora ne’e ami la bele rekomenda ita nia komunidade sira para hemu bee ne’ebé ita fornese, ita tenke hadia uituan para fornese bee ba ita nia komundade sira”, dehan Prezidente BTL.EP
