Reportajen Silvino Freitas
Core Group Transparency (CGT) konsidera asesibilidade no alokasaun orsamentu jeral estadu ba ema ho difisiensia seidauk iha transparansia, maski iha instituisaun ministerial governu nian kria ona fatin asesibel ba ema ho difisiensia, tanba nee CGT hamutuk organizasaun difisiente nian nafatin halo advokasia atu tau matan hodi sira bele iha direitu neebe hanesan ho ema seluk.
Tuir koordenador CGT Jimicarter dos Reis dehan, iha instituisaun governu sira ministeriu no sekretariu estadu 11 nee kuaze iha ninia progressu neebe diak iha ministeriu transporte no komunikasaun kria fatin rampa ba ema ho difisesnsia sira atu asesu husi ministeriu saude halao mos atedimentu neebe diak ba ema ho difisensia sira maibe iha alokasaun orsamentu jeral estadu mak seidauk iha alokasaun neebe diak no asesibilidade fasilidade ba ema ho difisiensia nunee CGT sei nafatin halo infuluensia ba parte governu neebe durante nee halo audiensia ho parlamentu nasional atu tau orsamentu neebe inkluvizu ba ema ho difisiensai hodi garante sira nia direitu hanesan ho ema seluk.
“durante parte governu prepara rampa tolu ba ema ho difisensia ida mak iha Hera Akanunu ida iha Balidi no ida iha Comoro, maibe iha ministeriu balun seidauk halo tanba tanba dalaruma sira iha programa maibe desizaun ikus neebe foti husi ukun nain sira entaun sira ka konsege halo” dehan koordenador CGT Jimicarter iha salaun Tower-Fatuhada, (02/07).
Nia dehan tan, rampa neebe dadaun nee estabelese tuir ema ho difisiensia sira nia nesesidade bele ona atu garante hodi fasilita sira nunee mos karik balun mak seidauk garante mak CGT hamutuk ema ho difisiensia atu halo nafatin advokasia hodi bele garante ba asuntu ida nee, nunee nia nafatin husu ba gobernu atu bele kria fasilidade neebe asesivel ba ema difisiensia sira.
“problema ba ema ho difisiensia nian ida mak asesivel ida mak alokasaun orsamentu iha ministeriu balun servisu diak maibe iha balun maka seidauk diak, problema ida mak desizaun nee kuandu embaixador sira iha politika diak maibe hatoo ba iha ministeriu maka la hetan aprovasaun ka hetan aprovasaun maibe ho orsamentu neebe kiik ida nee problema ida atu kria fatin asesibel ba ema ho difisiensia sira” dehan Jimicarter.
Fatin hanesan Xefe Planeamentu MTK Marçal Pinto dehan, husi MTK harii ona rampa 4 ida maka iha edifisiu sentral MTK ida iha Hera-Akanunu, Inpesaun veikulu Komoro, nunee sira mos halo sosializasaun kondutor sira neebe trata karta kondusaun konaba oinsa sir abele hakat liu zebra cross, estabele mos lian sonoru ba iha fatin lima maka maskarenas iha MSSI nia oin no iha palasiu governu nia oin nee atu fasilita ema ho difisiensia sira wainhira hakat liu dalan sorin ba dalan sorin.
“nunee mos iha altebaz sira bazeia ba konvesaun internasional artigu 9 neebe koalia konaba asesibilidade no inklui ho letra braile, nunee MTK mos rekruta ema ho difisiensia atu servisu iha neebe laos atibidade nee deit maibe iha atividade barak liu inklui enkontru rutina kada fulan ho ema difisiensia sira, nunee inklui mos teste karta kondusaun nian iha mos perguntas ba ema ho difisiensia nian” dehan Marçal.
Enkuantu sosializasaun neebe CGT halo atu fo konesimentu ba embaixador foun sira iha ministeriu no sekretariu estadu sira konaba asuntu ema ho difisiensia liuliu konvensaun direitu ba ema ho difisiensia hodi implemta iha planu asaun annual ba ema ho difisiensia, nunee husi sosializasaun nee mak parte atu halo advokasia ba asesibilidade ba ema ho difisiensia nian.
