Reportajen Estajiariu Isac Sarmento
Sustainable Ocean Alliance Timor-Leste (SOA-TL) realiza seminariu nasionál hodi aprezenta atividade faze daruak nian durante fulan neen (6) Nia laran, nune’e atividade refere foku bá mudansa klimátika no mós ocean conservation, nune’e atividade refere hetan suporta maksimu husi PLAN internasionál.
Clelio Ilidio Gusmão Xavier hanesan Project Coordinator SOA-TL hateten, seminariu nasionál refere toka konaba joven sira-nia atividade konaba mudansa klimátika no mós ocean conservation nian no durasaun tempu bá atividade refere durante fulan neen(6), nune’e liuhusi seminariu nasionál refere hodi aprezenta impaktu husi organizasaun rua ida husi SOA-TL no ida husi Timor-Leste Matak no Azúl.
“Atividade ne’e hetan suporta maksimu husi PLAN internasionál Timor-Leste bá ezekuta atividade Ocean Heroes Bootcamp, Ocean Heroes Bootcamp ne’e hanesan programa ida ne’ebé ida ne’ebé mak forma hodi fó espasu bá estudante sira oinsá bele aprende no komprende didi’ak konaba ocean conservation konsetu báziku konaba mudansa klimátika no youth leadership” dehan Project Coordinator Clelio Ilidio Gusmão Xavier iha kampus UCT Balide, (12/06).
Nia haktuir, antes ne’e ekipa SOA-TL realiza ona atividade Ocean Heroes Bootcamp refere faze primeiru iha tinan 2024 no reliza iha Vatovou no konsege halo kapasitasaun bá estudante sira husi eskula Secundária ne’ebé mak diferente munisipiu Dili, nune’e SOA-TL hetan tan oportunidade ida iha tinan ne’e liuhusi Small Grant Scheme husi PLAN internasionál ne’ebé loke no ekipa SOA-TL avansa ho programa Ocean Heroes Bootcamp refere nune’e programa refere hanesan faze segundu nian.
“Asaun ka impaktu ne’ebé mak ekipa SOA-TL halo konsege produz ona livru ida ita bolu dehan marine Environmental Education ka Edukasaun Siénsia Marina iha ne’ebé ekipa SOA-TL konsege sosializa ona bá eskola hamutuk 14 iha teritoriu Timor ekipa SOA-TL konsege husik ona lenuk oan hamutuk 1.500 ne’e overall atividade ne’ebé mak SOA-TL hala’o dezde ninia ezistensia hahu husi 2021 to’o 2026 agora, iha mós ai-parapa ne’ebé mak ita kuda ona hamutuk 600, ita mós konsege halo ona community engagement ka sosializasaun bá eskola universitariu Sira hanesan UNPAZ, UNDIL, UNTL no DIT” Nia haktuir
Nia esplika, dezafiu ne’ebé ekipa SOA-TL hasoru iha terenu liu-liu bá atividade Ocean Heroes Bootcamp nian primeiru mak limitasaun bá rekursu, sugundu nian mak limitasaun bá ekipamentus durante tun bá terenu, iha mós dezafiu sira seluk mak klima.
Entertantu Diretó Nasionál Asosiativismu Juventude(DNAJ) Husi Ministériu Juventude Desportu Arte no Cultura(MJDAK) Mario Tilman hateten, nu’udar governu sente orgullu liu-liu MJDAK nia papél ida mak oinsá tuir polítika nasionál juventude ne’e rasik konsentra hodi dezenvolve joven sira.
“Espasu ne’ebé mak agora dadauk iha apoiu husi PLAN internasionál oinsá organiza joven sira iha diskusaun, liu-liu konaba kontribuisaun bá iha ambientál é mezmu tempu mós oinsá uza espasu rikusoin sira iha tasi ne’e bá ekonomia, tanba ne’e mak husi parte governu nian sente kontente loos” dehan diretór Mario Tilman.
Nia konklui, katak sé koalia konaba dezenvolvimentu juventude ne’e la’os responsavél governu nian de’it maibé parte hotu, tanba ne’e mak dalabarak koalia konaba juventude dalaruma juventude ne’e sai de’it benefisiu maibé sira mós sai autór bá dezenvolvimentu.
