Home Notisia KI Sosializa Konaba Direitu Resposta no Retifikasaun ba Media Officer Iha Entidade...

KI Sosializa Konaba Direitu Resposta no Retifikasaun ba Media Officer Iha Entidade Estadu

455
0
Konselleiru, Francisco Belo Simõens da Costa no Diretor Media iha KI iha enkontru ho media officer sira. [Foto: Santina | 16.09.2021]

Reportajen Santina Lucia da Costa

Konsellu Imprensa Timor-Leste (CI) halo sosializasaun kona-ba oinsá pesoál singular ka koletiva (privadu ou públiku) hatene ezerse sira nia direitu de resposta no retifikasaun iha artigu 34 iha lei komunikasaun sosiál, bainhira iha ofensa ba sira nia direitu personalidade husi órgaun komunikasaun sosiál hanesan rádiu, televizaun, jornál no online ba media officer sira iha governu ka entidade estadu sira.

Tuir Konsellu Imprensa katak atu sosializa konaba direitu de resposta tuir artigu 34, atu bele garante direitu resposta no mos ratifikasaun, tanba durante Konsellu Imprensa nia ezisténsia hahú loron 10 Maiu 2016, Konsellu Imprensa konsidera katak direitu resposta no ratifikasaun hanesan asuntu ida ne’ebé mak importante tebes, atu jornalista officials meius komunikasaun sosiál sira no mós officials protokolu sira ka media officer sira husi instituisaun estadu nian no mós sosiedade sivíl, atu apar didi’ak nune’e informasaun sira ne’ebé mak publika.

Iha abertura ne’e, membru Konsellu Imprensa Timor-Leste (CI), Konselleiru, Francisco Belo Simõens da Costa hateten enkontru ida ne’e importante tebes, katak durante Konsellu Imprensa eziste hahú tinan 2016 mai to’o ohin loron buat ne’ebé Konsellu Imprensa nota maka ajénsia Estadu sira hamutuk ho ita nia sosiedade, seidauk iha entendimentu di’ak kona-ba Direitu Resposta no Retifikasaun.

“Dala balun mós ami nia media sira rasik ladún iha konviksaun atu rigor iha utilizasaun Direitu Resposta no Retifikasaun, ha’u foti ezemplu balun, liuliu notísia sira ne’ebé iha Sala Situasaun, iha Komandu jerál, Parlamentu nasionál, Palásiu Governu, dala barak media sira sita sala fonte sira nia deklarasaun ka statement, husi ne’e sira la hatene katak atu halo saida, oinsa atu halo loloos notísia ida ne’e.” hateten, Konselleiru Francisco Belo Simõens da Costa, iha Salaun CI Quintal-Boot, 16/9.

Konselleiru Francisco fiar katak liu husi sorumutu ida ne’e, ita bele entende pasu saida mak ita halo se media kutip sala ita nia deklarasaun sira, ka halo notísia ne’ebé la balansu.

Francisco haktuir ha lei komunikasaun sosial hateten, kuandu órgaun komunikasaun sosiál ka meius sosiál ne’ebé halo notísia ba instituisaun relevante ka indivíduu relevante sala, dalan meius ida profisionál liu mak uza ita nia Direitu Resposta no Retifikasaun.

Nia hatutan tuir lei hateten katak, loron 30 mak sira la halo direitu resposta no retifikasaun, Konsellu Imprensa sei halo notifikasaun husu tanba sá mak la kumpre direitu resposta no retifikasaun ne’ebé iha.

Iha fatin hanesan Porta-Voz PNTL Superintendente Xefe Arnaldo de Jesus Castro, hateten enkontru ne’e di’ak tebes liuliu iha vida Jornalizmu nian, oinsá ita bele entende didi’ak bainhira jornalista ida atu fó sai informasaun, atu fó sai informasaun tenke kontaktu lai ho fonte rua, fonte ida hanesan sai vítima no ida halo akuzasaun, entaun jornalista tenke halo balansu notísia, husu hotu parte rua ne’e, para bainhira publika notísia ne’e iha duni serteza no akurat.

Superintendente Xefe, Arnaldo de Jesus Castro konklui katak ba oin ida ne’e mak tenke hadi’a, depois foti notísia labele husi sosiál media tenke ba diretamente iha fonte ne’e.

Entretantu, partisipante husi enkontru ne’e mai husi media officer sira husi Instituisaun publiku, Instituisaun estadu nian, inklui Polisia nasionál Timor-Leste (PNTL), Falintil Forsas Defeza Timor-Leste (F-FDTL), Diretór SERVE, Media Officer MSSI no seluk tan.

Print Friendly, PDF & Email

LEAVE A REPLY

Please enter your comment!
Please enter your name here