Reportajen Zevonia Vieira, David Da Costa Gusmao
Kandidatu Prezidente Republika, Dr. Francisco Guterres Lu Olo ezerse ona nia votu iha sentru votasaun eskola Farol, iha oras tuku 8.30 dader, depois de vota ba jornalista sira nia Lu Olo hateten sei garante nafatin estabilidade no paz
“Se hau lakon demokrasia hanesan ne’e duni, lakon ka manan hau sempre dehan prontu lao ba oin. Hanesan sidadaun hau sempre kontribui nafatin, saida mak hau bele para ita nia rai ne’e lao ba oin, liuhusi hau nia kompromisu hotu. Sekarik hau eleitu nudar PR hau sei halo, katak saida mak hau kompromete ba povu, hau sei kumpre tuir lei”, dehan Lu Olo ba jornalista sira, iha eskola Farol, 19/04.
Hatán ba Lusa nia perguntas konaba saida mak sai prioridade, Lu Olo hatán katak prioridade liu mak garante estabilidade nasionál, no kumpre misaun nu’udar Prezidente Republika ne’ebe la ses husi Konstituisaun
“Hau sei sai Prezidente Republika ba Povu Timor-Leste tomak no kumpre hau nia kompromisu tomak, hodi bele koopera ho órgaun sira seluk para garante paz no estabilidade para bele halo dezenvolvimentu iha ita nia rai”. dehan Lu Olo
Iha sentru votasaun refere hetan segurasan husi Polisia Nasional Timor-Leste, observasdor internasionál no nasional no Komisaun Nasional Eleisaun (CNE)
