Home Saude 13 Maiu, Deteta Kazu Pozitivu COVID Total 253 no Iha nain 3...

13 Maiu, Deteta Kazu Pozitivu COVID Total 253 no Iha nain 3 Mate Ho COVID

914
0
Ekipa vijilansia epidimiolojia. [Foto: Copyright A Bola | 19.04.2020]

Reportazen Zevonia Vieira

Ministeriu Saude (MS) deteta tan kazu konfirmadu foun COVID-19 ba loron 13 Maiu hamutuk 253. Liu hosi komunikadu imprenesa Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Dr.Rui Maria de Araújo relata ba jornalista sira katak dadus jeral hatudu katak kazu foun pozitivu COVID-19 hamutuk 253 (iha Dili nain 203, no iha municipio seluk 50).

Total kazu konfirmadu kumulativu hahu hosi 21 Marsu 2020 to’o ohin loron hamutuk 2879, kazeu rekuperadu ohin iha nain 162. Total kazu ativu ohin iha nain 1818.

Dr. Rui mos relata katak ohin iha kazu obitu ho COVID-19 nain 3. Nain ida iha fatin izolamentu ba kazu moderadu ho grave iha Vera Cruz, nain 2 seluk detetadu pozitivu iha loron hirak liu ba maibe rekuza atu baixa iha Vera Cruz no obriga-an fila ba uma, ida iha Liquiça, ida iha Caicoli no ida Dili.

“Ohin ekipa saúde konjunta simu informasaun katak ida iha Liquiça i’is-kotu iha uma, ida iha Caicoli, Dili, i’is-kotu, iha dalan ba HNGV”, dehan Dr. Rui, 13/05.

Iha loron 13 Maiu ema hamutuk 984 mak halo teste PCR iha Dili no Dili kontinua hetan risku boot liu. Nune’e dadus obitu sae ona ba nain 7.

Print Friendly, PDF & Email

LEAVE A REPLY

Please enter your comment!
Please enter your name here