Home EduTek Estundante EBS Mundu Perdidu Ossu Maioria La Asesu Eskola Online, Laiha TV...

Estundante EBS Mundu Perdidu Ossu Maioria La Asesu Eskola Online, Laiha TV no Telefone

943
0
Diretor Eskola EBC-Mundu Perdidu Ossu, Municipio Viqueque, Acasio Monteiro. [Foto: Santina Lucia da Costa | 17.04.2021]

Reportazen Santina Lucia da Costa

Serka Sanitaria (SS) impede tomak prosesi aprendizajem iha teritoriu tomak no fo impaktu ba estudante sira atu aprende curriculum eskola nian tanba paradu total

Neon Metin halo entrevista ho Diretor Eskola EBC-Mundu Perdidu Ossu, Municipio Viqueque, Acasio Monteiro, konaba  prosesu aprendejazem refere, ba Neon Metin nia informa katak  surtu COVID-19 ne’ebe akontese hosi tinan 2020 to’o ohin loron fo impaktu tebes ba seitor edukasaun, tanba ezame segundu period labele implementa

Diretor Acasio Monteiro hatutan iha prosesu aprendijazen iha primeiru periodu nia klaran, ne’ebe tuir lolos iha loron 12 Abril hahu ona ezame periodikas, maibe munisipiu Baucau ho Viqueque sei iha serka sanitaria nia laran, entaun labele realiza.

“Estadu Emerjensia no serka sanitaria iha tinan ida ne’e, EBC-Mundu Perdidu Ossu ho nia eskola filial no nia alunus sira,  nia akompanhamentu prosesu aprendisajen iha nnline ladun efetivu, iha EBC-Mundu Perdidu estudantes sira la efetivu , razaun tanba estudantes sira husi primeiru siklu, segundu siklu to’o terseiru siklu, estudantes barak la asesu media sosial no informasaun, liuliu inan-aman televizaun laiha, balun eletrisidade seidauk tama iha sira nia uma, sira labele asesu iha televizaun no estudantes sira balun la asesu iha telfone tanba maioria sira la kaer telfone,” hateten Diretor Eskola EBC Mundu Perdidu ossu, Acasio Monteiro ba Neon Metin iha EBC-Mundu Perdidu Ossu, Munisipiu Viqueque, 13/4.

Diretor Eskola EBC ne’e dehan materia sira ne’ebe estudantes  sira aprende hahu husi fulan Janeiru to’o Marsu klaran ne’e sufisiente duni para estudante sira bele tuir ezame primeiru periodu.

“Ami nia estudante sira, durante iha serka sanitaria sira halimar iha uma, barak mak la asesu prosesu aprendisajen iha online,” tenik Diretor Eskola EBC Mundu Perdidu ossu.

Diretor eskola ne’e rekomenda ba Ministeriu Edukasaun durante aula ne’ebe sira fó liuhusi online, karik materia ne’ebe sira prepara ona, karik tama fila-fali eskola bele fasilita apoiu ba estudantes sira, atu nune’e sira bele kompleta buat ne’ebe sira la tuir durante semana tolu ba kotuk.

EBC Mundu Perdidu Ossu, kompostu husi eskola Filial 6 mak hanesan EBF-Liaruka, EBF-Rate Laek Loi-Huno, EBF-Bahaneo, EBF-Leki-Gari, EBF-Ma’a-Imi, ho EBF-Buta’o. Dadaun ne’e estudante hamutuk 1351, profesores hamutuk 60, no tinan ida ne’e estudantes iha EBC-Mundu Perdidu hamutuk 644, mane 328 no feto 316.

Entertantu estudante Claudino da Costa Monteiro hateten durante implementa tiha serka sanitaria  eskola paradu, ami iha uma ajuda inan-aman halo to’os, natar no haree karau de’it, depois kalan estuda uituan mak foin toba.

“Iha ami nia uma eletrisidade seidauk tama, ami uza de’it solar panel, solar panel ne’e hau nia inan-aman mak hola rasik, sira lorloron serbisu agrikultór de’it, husi serbisu ne’e mak hetan osan sosa ami nia kadernu, lapizeira ho roupa, Husi Ami nia hela fatin ba eskola kuaze kilometru 5 ho balun, ami lao de’it, lao neineik mak foin to’o iha eskola, ami triste tanba durante hetan tiha independensia nunka asesu eletrisidade ho Estrada,” haktuir Claudino da Costa Monteiro.

Print Friendly, PDF & Email

LEAVE A REPLY

Please enter your comment!
Please enter your name here