Home EduTek Eskola EBC Masin Laiha Moru Hodi Fo Protesaun Ba Estudante no Hariis...

Eskola EBC Masin Laiha Moru Hodi Fo Protesaun Ba Estudante no Hariis Fatin La Ijiene

218
0
Koordenadora EBC Masin, Olinda de Sá Ximenes. [Foto: Colo | 26.06.2022]

Reportajen Adroaldo “Saretuaku”

Escola Básica 1⁰ e 2⁰ Ciclo 30 de Agosto 1999 Masin, iha Suku Costa, Aldeia Sanane, Sub-rejiaun Pante Makasar, RAEOA, la iha haris fatin natoon no la ijiene ba estudante 542 sira hodi uza, nune’e mos profesór sira nia preokupasaun ba seguransa estudante, iha tempu rekreiu tanba eskola besik estrada boot maibé la iha moru protesaun, no eskola la seguru bainhira tempu feriadu.

Koordenadora EBC Masin, Olinda de Sá Ximenes informa, haris fatin iha eskola refere iha tolu maibé oras ne’e kondisaun aat hotu ona, nune’e estudante sira uza de’it haris fatin ida hamutuk. “Haris fatin ida ne’ebá iha ketak ida, depois ida biblioteka ida ketak maibé kondisaun la di’ak hotu, di’ak mak ida ne’e de’it,” dehan Kordenadora Olinda.

“Iha ne’e kaza de bañu ida mak iha ne’e di’ak mais estudante barak, ita tama agora iha ne’e mos dala ruma xeiru mal, nia iis tanba labarik sira, só dadersan ita mai fase fali, nia morin fila-fali, to’o meiu dia hanesan ne’e ita labele ona (tama tanba iis), tanba estudante namanya balu ki’ik, balu boot, ita la hatene tuir sira nia tama iha ne’ebá.” dehan Olinda

Nia hatutan, bee uza ba haris fatin iha, maibé dala ruma mos maran, tanba ne’e haris fatin ba feto nian sira la uza, nune’e uza hamutuk de’it haris fatin mane nian.

Iha sorin seluk, Kordenadora ne’e informa mos moru eskola nian ne’ebé la iha, susar ba sira atu kontrola eskola no estudante sira, aleinde sira nia eskola la seguru hosi animal nomos ema sira tama ba halimar wainhira la iha eskola.

“Eskola di’ak so ke lutu mak la iha, depois ami nia lutu eskola nian karik lutu ne’e mak iha eskola ne’e mos karik di’ak, ami kuda ai-funan kada vez la moris tanba de’it animal tama barak,” dehan Kordenadora Olinda ba Neon Metin.

Print Friendly, PDF & Email

LEAVE A REPLY

Please enter your comment!
Please enter your name here