Reportazen Francisco JDA
Centru Integradu Jestaun Krize (CIJK) relata informasaun konaba situasaun moras surtu Covid-19 ba loron 12 Maiu nian. Liu hosi konferensia imprensa portavoz CIJK, Dr. Sergio Lobo hateten total kumulativu teste hamutuk nain 952 kompara ho horseik iha 922, ba kazu konfirmadu nafatin nain 24, konaba rekuperadu ka kuradu nafatin nain 22.
Relasiona ho kazu negativu ohin loron mantein ho nain 781 sedauk iha mudansa, laiha kazu foun iha loron 12 Maiu. Ba maluk sira ne’ebe hein rezultadu teste hamutuk nain 147 kompara ho horseik iha deit 117.
Total ema ne’ebe passa ona loron 14 iha kuarentena hamutuk nain 2177, iha Dili nain 1701 no iha municipiu hamutuk nain 476.
