Home Saude 17 Abril, MS Deteta Kazu Foun Pozitivu COVID-19 Total 43

17 Abril, MS Deteta Kazu Foun Pozitivu COVID-19 Total 43

127
0
Imajen konaba virus Corona. [Foto: Copyright google | 02.04.2020]

Reportazen Zevonia Vieira

Ministeriu Saude ohin loron 17 Abril deteta tan kazu konfirmadu foun COVID-19 hamutuk 43. Liu hosi komunikadu imprensa, Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo relata ba jornalista sira katak evolusaun surtu COVID-19 iha municipio Dili deteta kazu foun hamutuk 31, nune’e, kazu detetadu ka pozitivu iha Munisipiu Dili, sura kumulativamente husi 2020, to’o ohin, 17 Abril 2021 hamutuk hotu 1037.

Husi horiseik mai ohin fatin sira ne’ebé deteta kazu foun mak iha Madohi  kazu 10, Comoro kazu 6, Fatuhada kazu 6, Bairro Pité kazu 3, Becora, Colmera, Metiaut, Vila-Verde, Taibessi, Caicoli ida-idak kazu 1 (total 6).

Iha Manatuto deteta kazu foun nain 2, iha Ermera deteta kazu foun nain 6, iha Covalima, deteta kazu foun nain 3 no iha Bobonaro deteta kazu nain 1.

Dadus jeral ba loron 17 Abril, deteta kazu foun hamutuk 43 (iha Dili 31 no iha municipio seluk hamutuk 12), total kumulativu sura hosi 2020 to’o ohin loron total 1236. Husi total kazu detetadu foun ohin mane 22, feto 21.  Husi total kazu detetadu foun ohin asintomátiku hotu kedas (100%). Kazu rekuperadu ohin hamutuk 20 no total kazu ativu hamutuk 592

Print Friendly, PDF & Email

LEAVE A REPLY

Please enter your comment!
Please enter your name here