Home Notisia Yasinta Luzina Lider foun ba APF Timor-Leste

Yasinta Luzina Lider foun ba APF Timor-Leste

854
0
Yasinta Luzina, Chair Person ASEAN Peoples Forum Timor-Leste (Foto: MOFFE)

ASEAN Peoples Forum (APF) Timor-Leste organiza hikas National Process ba daruak hodi hili lider no xefe komite sira hodi tau matan ba asuntu dereitus umanus, social, ekonomia, politika, seguransa mak akontese iha rejiaun Sudeste Asiatiku nian.

“iha ASEAN iha issue oin-oin mak akonte no fo impaktu ba ema nia moris. Tanba ne’e sosiedade civil iha rejiaun ne’e presija hamutuk hodi diskuti, servisu hamutuk hodi halo advokasia.” Lider foun ba APF Timor-Leste, Yasinta Luzina,  koalia lia hirak ne’e bainhira simu knar nudar Chair APF Timor-Leste nian, iha FONGTIL, loron 8/08.

Chair ba APF Timor-Leste ne’ebe mos nudar Diretora Movimentu Feto Foinsa’e (MOFFE) ne’e mos dehan katak ema hotu ne’ebe tama iha komitee APF Timor-Leste sei halo servisu hodi apoio Forum Ema ASEAN (ASEAN Peoples Forum 2018) nian mak sei halao iha Singapore ba tinan 2018. Nia mos informa katak iha enkontru separadu ho MNEC, ne’ebe nia mos partisipa, nia informa ona ba MNEC kona ba servisu ne’ebe APF Timor-Leste halo.

Nudar Alternate Chair ba APF Timor-Leste mak Fernando da Costa, ne’ebe mak sai nudar Co-Chari ba APF 2016 nian iha Timor-Leste. Iha intervensaun Alternate Chair nian, nia hatete, presija loke komunikasaun organizasaun sosiedade civil sira iha rejiaun ne’e no mos kontinua fo apio ba organizasaun APF mak sei akontese iha Novembru 2018, iha Singapore.

Kompozisaun strutura APF Timor-Leste nian mak Chair ida ho nia alternate, Komitee Drafting (Jose Luis de Olivera ho Valentino Pinto), Komitee Program (Jose Aseloy ho Joao Nascimento) , Komitee Media (Lino FONGTIL), Komitee Fundus (Fernanda FONGTIL), Komitee Kultura (Marcia hosi Leziaval).  Sekretariu ba APF nian kontinua kordena hosi Cana Valencia.

Timor-Leste hola parte iha ASEAN Peoples Forum hosi kedas 2005 no kontribui makas hodi ofisializa forum ida ne’e nudar Forum alternative ba ema no organizasaun non-governo sira atu koalia kona ba issue oin-oin mak akontese iha rejiaun ne’e. Forum ne’e lori organizasaun sosiedade civil sira mai hamutuk, tinan ida dala ida, hodi koalia kona ba asuntu ne’ebe ema babain iha rejiaun Sudeste Asiatiku hasoru. Maski Timor-Leste seidauk sai nudar membru ASEAN, maibe Timor-Leste hetan fiar organiza ASEAN Peoples Forum iha Agusto 2016. Eventu ida ne’e lori susesu bot no fo konfiansa ba membru ASEAN sira kona ba kapasidade Timor-Leste nian.

LEAVE A REPLY

Please enter your comment!
Please enter your name here